„მოხალისე მენტორების პროგრამა"

არასამთავრობო ორგანიზაცია „ჰელფინგ ჰენდი“ ახორციელებს პროექტს „მოხალისე მენტორების პროგრამა“.

პროექტის მიზანია მენტორების გადამზადება და მათი ახალბედა მოხალისეებთან დაკავშირება, რათა ხელი შეუწყოს ახალგაზრდებში მოხალისეობის კულტურის პოპულარიზაციას.

მენტორის პოზიცია მოიცავს სამთვიან პერიოდს, ხოლო მონაწილეობა შეუძლიათ სტუდენტებსა და მოხალისეობის გამოცდილების მქონე ახალგაზრდებს.

აღნიშნული პროგრამის ფარგლებში შერჩეულ მენტორებს ეყოლებათ რამდენიმე მოხალისე რომელთაც საკუთარ გამოცდილებას გაუზიარებენ და პროფესიულ/პიროვნულ განვითარებაში დაეხმარებიან.

მენტორის მოვალეობაა:

• მოახდინოს საკუთარი გუნდის წევრი მოხალისეების შესაძლებლობების გაზრდა;
• მხარი დაუჭიროს მონაწილეებს მოხალისეობრივ საქმიანობაში პირველი ნაბიჯების გადადგმის დროს;
• ორგანიზება გაუწიოს პრაქტიკულ მოხალისეობრივ საქმიანობებს და უზრუნველყოს პროცესის ორგანიზებულად, ხარისხიანად და ეფექტურად წარმართვა;
• მოხალისეებს ჩაუტაროს საერთო საორგანიზაციო და საკონსულტაციო შეხვედრები პირისპირ/დისტანციურ რეჟიმში.

პროექტის ბოლოს მონაწილე მენტორები ახალგაზრდებთან მუშაობის გამოცდილების გარდა მიიღებენ აღიარების სერტიფიკატს და რეკომენდაციის წერილს.

საკუთარი კანდიდატურის წარდგენით დაინტერესების შემთხვევაში გთხოვთ შეავსოთ შემდეგი ფორმა 26 მარტის 15:00-მდე: https://forms.gle/rc9JNtH2sCttoScFA

Facebook: https://www.facebook.com/helpinghendi

ელ-ფოსტა: youthvolunteeringge@gmail.com