25 აპრილს, 12:00 საათზე, წმ. ანდრიას ქართული უნივერსიტეტის წმ. ილია მართლის სახელობის საკონფერენციო დარბაზში გაიმართება მთარგმნელ-თარჯიმანთა უმაღლესი სკოლის დაარსებიდან 15 წლის აღსანიშნავი შეხვედრა.
მთარგმნელ-თარჯიმანთა უმაღლესი სკოლა უკვე 15 წელია წარმატებით ფუნქციონირებს და მაღალი ინტერესით სარგებლობს. პროგრამის მიზანია პროფესიონალი პრაქტიკოსი მთარგმნელებისა და თარჯიმნების მომზადება.
2011 წლიდან დღემდე სკოლამ 100-ზე მეტი კურსდამთავრებული პრაქტიკოსი მთარგმნელი და თარჯიმანი გამოუშვა.
სკოლის დაარსების ინიციატორია პროფესორი ოთარ მათეშვილი, რომელიც დღემდე მთარგმნელ-თარჯიმანთა უმაღლესი სკოლის ხელმძღვანელია.
