2020-05-26

საერთაშორისო სამეცნიერო ონლაინ კონფერენცია: "აშშ– სა და ჩინეთს შორის მეტოქეობა მსოფლიო ჰეგემონობისათვის"

2020 წლის 30 ივნისს, 12:00 საათზე, წმ. ანდრიას ქართული უნივერსიტეტის ჰუმანიტარულ მეცნიერებათა და სამართლის სკოლის ორგანიზებით გაიმართება საერთაშორისო სამეცნიერო ონლაინ კონფერენცია: "აშშ-სა და ჩინეთს შორის მეტოქეობა მსოფლიო ჰეგემონობისათვის." 

ონლაინ კონფერენციის ბმული

ჩინეთსა და აშშ-ს შორის დაპირისპირება მნიშვნელოვნად გამძაფრდა დონალდ ტრამპის ხელისუფლებაში მოსვლის შემდეგ. ბოლო წლების განმავლობაში ამ ორ უძლიერეს სახელმწიფოს შორის ეკონომიკურმა კონფლიქტმა პიკს მიაღწია და სავარაუდოდ, მომავალში კიდევ უფრო გააქტიურდება ჰეგემონობისათვის ბრძოლა.  თუმცა ჩინეთი მუდმივად აცხადებს, რომ მას არ აქვს რაიმე ამბიცია ჰეგემონობაზე და არ აპირებს აშშ-ს მსოფლიო ჰეგემონის სტატუსი წაართვას, ჩინეთის ამბიციური ეკონომიკური და ინფრასტრუქტურული პროექტები ცხადყოფს, რომ მისი საბოლოო მიზანი მსოფლიო ჰეგემონობის მოპოვებაა. ისტორიიდან ცნობილი ფაქტია, რომ გაძლიერებული დერჟავა პირველ რიგში ცდილობს გაბატონდეს რეგიონში, სადაც ის მდებარეობს და შემდეგ იწყებს მსოფლიო მასშტაბით მისი ძალაუფლების ექსპანსიას. აშშ ყველაფერს აკეთებს იმისთვის, რომ გაახანგრძლივოს თავისი ჰეგემონია მსოფლიოში, მაგრამ საკითხავია  რამდენად  ექნება მას საკმარისი ძალა და რესურსი მომავალში იმისათვის, რომ შეაჩეროს ჩინეთის ბატონობა მსოფლიოში? გახდება ჩინეთი მსოფლიო ჟანდარმი მომავალში? გარდაუვალია თუ არა  აშშ-სა და ჩინეთს შორის ომი და ბრძოლა გლობალური ლიდერობისათვის?

კონფერენციის მიზანია ამ კითხვებზე პასუხის გაცემა და აშშ-სა და ჩინეთს შორის არსებული ურთიერთობების ანალიზი. ასევე, ამ ღონისძიების მიზანია იმ ფაქტორების დადგენა, რომლებიც იწვევს ჩინეთსა და აშშ-ს შორის კონფლიქტის გამძაფრებას. ღონისძიება ხელს შეუწყობს იდეების გაცვლას სხვადასხვა ქვეყნის მეცნიერებს შორის. 

მოხსენების თემატიკა: 

  • სავაჭრო ომი ჩინეთსა და აშშ-ს შორის
  • ჩინეთსა და აშშ-ს შორის დაპირისპირება  მსოფლიო ჰეგემონობისათვის
  • მიემართება მსოფლიო ბიპოლარული წესრიგისაკენ?
  • სინო-რუსული ალიანსი - ახალი თავის ტკივილი აშშ-სთვის.  
  • კონფლიქტი ჩინეთსა და აშშ-ს შორის სამხრეთ ჩინეთის ზღვაში
  • ტაივანის საკითხი ჩინურ - ამერიკულ ურთიერთობებში
  • ჩინეთის შეკავების პოლიტიკა
  • კონფლიქტი ჩინეთსა და მეზობელ ქვეყნებს შორის სასაზღვრო საკითხების გამო
  • კონფერენციაში მონაწილეობის პირობები:

კონფერენციის პროგრამა:

  • 12:00 - 12:05  - კონფერენციის გახსნა  - ვალერი მოდებაძე  
  • 12:05 - 12:25  The new cold war between USA and China  (პრეზენტაცია ინგლისურ ენაზე)- ვალერი მოდებაძე, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის პროფესორი.
  • 12:25 - 12.45 The Rivalry Between USA and China in the Light of the Rivalry Between the Two Superpowers of the Ancient World; the Hittites and the Egypt (პრეზენტაცია ინგლისურ ენაზე) - ბაბურ მეჰმეთ აკარსუ, სინოპის უნივერსიტეტის პროფესორი.
  • 12.45 - 13.05 აშშ-ჩინეთის სავაჭრო ომი: წინაპირობები და გლობალური ეკონომიკური შედეგები (პრეზენტაცია ქართულ ენაზე)- ნოდარ გრძელიშვილი, ახალი უმაღლესი სასწავლებელის პროფესორი.  
  • 13.05 - 13.25 ჩინეთის მიერ აშშ-ზე განხორციელებული კიბერ შეტევები (პრეზენტაცია ქართულ ენაზე)-  - ნატო ჯიაძე, საქართველოს თავდაცვის სამინისტროს წვრთნებისა და სამხედრო განათლების სარდლობა. საქართველოს ტექნიკური უნივერსიტეტის სამართლისა და საერთაშორისო ურთიერთობების ფაკულტეტის დოქტორანტი. 
  • 13.25 - 13.45  აშშ-სა და ჩინეთს შორის წარმოებული საინფორმაციო ომი   კორონავირუსის გავრცელებასთან დაკავშირებული ბრალდებების მაგალითზე(პრეზენტაცია ქართულ ენაზე)-  - ნიკა ჩიტაძე, შავი ზღვის საერთაშორისო უნივერსიტეტის პროფესორი.
  • 13.45 - 14.05   ჩინეთსა და აშშ-ს შორის დაპირისპირება  მსოფლიო ჰეგემონობისათვის (პრეზენტაცია ქართულ ენაზე)- ვახტანგ მაისაია - კავკასიის საერთაშრისო უნივერსიტეტის პროფესორი.  მირანდა მიქაძე  -კავკასიის საერთაშორისო უნიერსიტეტის დოქტორანტი.
  • 14.05 - 14.25  სახალხო დიპლომატია გლობალური ლიდერობისთვის: ამერიკის შეერთებული შტატებისა და ჩინეთის შედარებითი ანალიზი (პრეზენტაცია ქართულ ენაზე)-  მარიამ ხატიაშვილი, საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის მოწვეული პროფესორი.
  • 14.25 - 14.45 აშშ-სა და ჩინეთს შორის დაპირისპირება მსოფლიო ჰეგემონობისათვის (პრეზენტაცია ქართულ ენაზე)- ეკა ლომია, კავკასიის საერთაშორისო უნივერსიტეტის დოქტორანტი.
  • 14.45 - 15.05 ჩინეთისა და აშშ-ს ურთიერთობები პანდემიის დროს (პრეზენტაცია ქართულ ენაზე)- - არინა თავაქარიშვილი, სულხან საბა ორბელიანის სასწავლო უნივრსიტეტის ასისტენტ პროფესორი.
  • 15.05 - 15.25 ჩინეთსა და აშშ-ს შორის დაპირისპირება მსოფლიო ჰეგემონობისათვის (პრეზენტაცია ქართულ ენაზე)-  ქეთი ჯოჯიშვილი, კავკასიის საერთაშორისო უნივერსიტეტის დოქტორანტი.

კონფერენციის სამუშაო ენა:

  • ქართული
  • ინგლისური
  • რუსული

კონფერენციის ორგანიზატორი:

  • სოციალურ მეცნიერებათა დოქტორი, ქართული უნივერსიტეტის პროფესორი ვალერი მოდებაძე.
  • საორგანიზაციო კომიტეტი.

საკონტაქტო ინფორმაცია:
ელ. ფოსტა: sanguconference@gmail.com
ტელ.: 599 27 69 99