წმ. ანდრიას ქართული უნივერსიტეტი სამეცნიერო-კვლევითი მიმართულების განვითარების კუთხით ორიენტირებულია, აკადემიური თავისუფლებისა და კეთილსინდისიერების პრინციპებისა და ღირებულებების პატივისცემის საფუძველზე, შექმნას კვლევითი საქმიანობისათვის ხელსაყრელი გარემო, რაც თავის მხრივ ხელს შეუწყობს უნივერსიტეტის სამეცნიერო პოტენციალის რეალიზებას, გაძლიერებასა და შემდგომ პოპულარიზაციას, როგორც ადგილობრივ და რეგიონულ, ასევე საერთაშორისო დონეზე.
სამეცნიერო კვლევებისა და განვითარების სამსახური მისი კომპეტენციის, უნივერსიტეტის სტრატეგიული პრიორიტეტებისა და მიზნების შესაბამისად კოორდინაციას უწევს და ხელს უწყობს უნივერსიტეტის სამეცნიერო-კვლევითი საქამიანობის განვითარებას.
სამსახურის ფუნქციები:
- უნივერსიტეტის ადმინისტრაციას, შესაბამის სამსახურებსა და ფაკულტეტებთან ერთად მონაწილეობს და კოორდინაციას უწევს უნივერსიტეტის სამეცნიერო პოლიტიკის განსაზღვრასა და დანერგვას;
- ხელს უწყობს უნივერსიტეტის ინსტიტუციური და სამეცნიერო-კვლევითი საქმიანობის ინტერნაციონალიზაციას;
- ხელს უწყობს უნივერსიტეტის საერთაშორისო ქსელებსა და ორგანიზაციებთან თანამშრომლობის დამყარებას ინსტიტუციური და სამეცნიერო განვითარების ხელშეწყობის მიზნით;
- ხელს უწყობს დონორ ორგანიზაციებთან და სამეცნიერო ფონდებთან კავშირის და თანამშრომლობის დამყარებას;
- უზრუნველყოფს თანამშრომლების ინფორმირებას შესაბამისი საგრანტო პროგრამებისა და კონკურსების შესახებ;
- უზრუნველყოფს კონსულტაციებისა და ტრენინგების ორგანიზებას სამეცნიერო-კვლევითი საქმიანობის მხარდაჭერის მიზნით;
- უნივერსიტეტის შესაბამის სამსახურებთან ერთად შეიმუშავებს აკადემიური/სამეცნიერო პერსონალის სამეცნიერო საქმიანობის/პროდუქტიულობის შეფასების კრიტერიუმებს;
- საქმიანობის ხარისხის გაუმჯობესებისა და ეფექტიანობის გაზრდისთვის შეიმუშავებს შესაბამის რეკომენდაციებს;
- ამზადებს ანგარიშს უნივერსიტეტის სამეცნიერო საქმიანობის შესახებ.
