ტრენერთა ლაბორატორია
„ტრენერთა ლაბორატორია“ დაფუძნდა 2017 წელს წმ. ანდრია პირველწოდებულის სახელობის ქართული უნივერსიტეტის ბაზაზე. მისი მთავარი მიზანია ახალგაზრდებში არაფორმალური განათლების ხელმისაწვდომობის გაზრდა და პოპულარიზაცია.
ლაბორატორია ხელს უწყობს პროფესიული და პიროვნული უნარების განვითარებას და რეგულარულად გეგმავს სხვადასხვა ტიპის ტრენინგებსა და სემინარებს.
ერთ-ერთი ყველაზე წარმატებული და მოთხოვნადი პროექტია „ტრენერთა ტრენინგი“ — 1 თვიანი ინტენსიური კურსი, რომლის ფარგლებში მონაწილეები ეუფლებიან ტრენერის საქმიანობას როგორც თეორიულად, ისე პრაქტიკულად. პროგრამის დასასრულს ისინი ქმნიან და ატარებენ საავტორო ტრენინგებს. დღემდე 200-ზე მეტი ახალგაზრდა წარმატებით გადამზადდა ტრენერად.
ლაბორატორიის ფარგლებში ასევე ხორციელდება სპიკერობისა და ქოუჩინგის ტრენინგები, რომლებიც განკუთვნილია სტუდენტების, უნივერსიტეტის კურსდამთავრებულებისა და თანამშრომლებისთვის.
ჩვენ მტკიცედ გვწამს, რომ არაფორმალური განათლება და მასზე ხელმისაწვდომობა ერთ-ერთი ყველაზე მნიშვნელოვანი ბერკეტია საქართველოს სამოქალაქო საზოგადოების განვითარებისთვის.
