საქართველოს ხელნაწერთა ეროვნული ცენტრის საერთაშორისო სეზონური სკოლა

ცხადდება საბუთების მიღება მე-4 საერთაშორისო საგაზაფხულო სკოლაში „აფხაზეთი (საქართველო): უძველესი დროიდან დღემდე (ისტორიულ-კულტუროლოგიური ასპექტები)“ მონაწილეობის მისაღებად.

სკოლაში მონაწილეობის მსურველებმა 2025 წლის 10 მარტამდე უნდა გამოაგზავნონ შევსებული სააპლიკაციო ფორმა შემდეგ ელექტრონულ მისამართზე: abkhazia.school@manuscript.ge.

შერჩეულ კანდიდატებს ეცნობებათ არაუგვიანეს 2025 წლის 15 მარტისა.
სკოლის განხორციელების თარიღი: 2025 წლის 22-28 მაისი

საერთაშორისო სკოლაში მონაწილეობის შესაძლებლობა აქვთ ქართველ და უცხოელ სტუდენტებსა და ახალგაზრდა მკვლევრებს (მაგისტრანტი, მაგისტრი, დოქტორანტი, დოქტორი), რომელთა ინტერესის სფეროს წარმოადგენს საქართველოს, კერძოდ, აფხაზეთის ავტონომიური რესპუბლიკის, ისტორიისა და კულტურის კვლევა და რომელთა სამეცნიერო ინტერესები შეესაბამება ხელნაწერთა ეროვნული ცენტრის ძირითად სამეცნიერო-კვლევით მიმართულებებს (კლასიკური და/ან ძველი ქართული ფილოლოგია, წყაროთმცოდნეობა, არქივთმცოდნეობა, ხელნაწერი წიგნის კულტურა, რესტავრაცია, დიგიტალიზაცია, სხვ.).

სკოლის სამუშაო ენებია ქართული და ინგლისური. ლექციებისა და სხვა აქტივობების ჩატარება უზრუნველყოფილი იქნება სინქრონული თარგმანით.

პროექტი უზრუნველყოფს მსმენელების კვებას, შიდა ტრანსპორტირებასა და ექსკურსიებს; არ ანაზღაურებს თბილისში მსმენელების მგზავრობის ხარჯს.

დეტალური ინფორმაციის მისაღებად, ეწვიეთ ბმულს.