პროექტი „სმენის და მხედველობის დარღვევების მქონე პირთა მხარდამჭერი სისტემის შექმნა საქართველოში“.
პარასკევს, 1 ნოემბერს, 10:00 საათზე, ქართული უნივერსიტეტის სტუდენტებისთვის და პროფესორებისთვის გაიმართება სემინარი
2018 წლიდან პოლონური ორგანიზაცია HumanDoc, საქართველოს სახალხო დამცველის აპარატის თანამშრომლობით, ახორციელებს პროექტს „სმენის და მხედველობის დარღვევების მქონე პირთა მხარდამჭერი სისტემის შექმნა საქართველოში“, რომელიც დაფინანსებულია პოლონეთის საგარეო საქმეთა სამინისტროს პოლონეთის დახმარების პროგრამის ფარგლებში.
პროექტის ფარგლებში, სმენის და მხედველობის დარღვევების მქონე პირთა პრობლემების შესახებ საზოგადოების ინფორმირების მიზნით, 2019 წლის 1 ნოემბერს, 10:00-13:00 საათამდე ქართული უნივერსიტეტის წმ. ილია მართლის სახელობის საკონფერენციო დარბაზში გაიმართება ერთდღიანი სემინარი.
სემინარის სამიზნე აუდიტორიაა სოციალური და ჰუმანიტარული სპეციალობების სტუდენტები და პროფესორები. სემინარი განსაკუთრებით სასარგებლო და საინტერესო იქნება მომავალი მასწავლებლების, ფსიქოლოგების, სოციალური მუშაკების, ჟურნალისტების, იურისტებისა და საჯარო მოხელეებისათვის.
სემინარს ჩაატარებენ მაღალკვალიფიციური ტრენერები პოლონეთიდან და საქართველოდან, რომლებიც ინტერაქტიულად მიაწვდიან სემინარის მონაწილეებს ინფორმაციას ყრუ-უსინათლოთა პრობლემების, ევროკავშირის დონეზე საკანონმდებლო ჩარჩოსა და ყრუ-უსინათლო ადამიანებთან ურთიერთქმედების სპეციფიკის შესახებ.
სემინარზე უზრუნველყოფილი იქნება ყავის შესვენება. დასრულს თითოეულ მონაწილეს გადაეცემა სერტიფიკატი.
ადგილები შეზღუდულია.სემინარზე დასწრების მსურველებს, გთხოვთ გაიაროთ წინასწარი რეგისტრაცია ბმულზე.
Related news
GCUB-MOB International Scholarship Programme
The International Cooperation Group of Brazilian Universities (GCUB) has announced the call for applications for the fifth edition of the GCUB-MOB International...
Academic Discussion on “Artificial Intelligence in Education”
On June 19, 2026, at 12:00, an academic discussion on “Artificial Intelligence in Education” will be held at SANGU on the initiative of the Language Centre.
