გადასვლა ძირითად შიგთავსზე
მენიუ

პროექტი „სმენის და მხედველობის დარღვევების მქონე პირთა მხარდამჭერი სისტემის შექმნა საქართველოში“.

24 ოქტომბერი 2019

პარასკევს, 1 ნოემბერს, 10:00 საათზე, ქართული უნივერსიტეტის სტუდენტებისთვის და პროფესორებისთვის გაიმართება სემინარი
პროექტი „სმენის და მხედველობის დარღვევების მქონე პირთა მხარდამჭერი სისტემის შექმნა საქართველოში“.

2018 წლიდან პოლონური ორგანიზაცია HumanDoc, საქართველოს სახალხო დამცველის აპარატის თანამშრომლობით, ახორციელებს პროექტს „სმენის და მხედველობის დარღვევების მქონე პირთა მხარდამჭერი სისტემის შექმნა საქართველოში“, რომელიც დაფინანსებულია პოლონეთის საგარეო საქმეთა სამინისტროს პოლონეთის დახმარების პროგრამის ფარგლებში.

პროექტის ფარგლებში, სმენის და მხედველობის დარღვევების მქონე პირთა პრობლემების შესახებ საზოგადოების ინფორმირების მიზნით, 2019 წლის 1 ნოემბერს, 10:00-13:00 საათამდე ქართული უნივერსიტეტის წმ. ილია მართლის სახელობის საკონფერენციო დარბაზში გაიმართება ერთდღიანი სემინარი. 

სემინარის სამიზნე აუდიტორიაა სოციალური და ჰუმანიტარული სპეციალობების სტუდენტები და პროფესორები. სემინარი განსაკუთრებით სასარგებლო და საინტერესო იქნება მომავალი მასწავლებლების, ფსიქოლოგების, სოციალური მუშაკების, ჟურნალისტების, იურისტებისა და საჯარო მოხელეებისათვის.

სემინარს ჩაატარებენ მაღალკვალიფიციური ტრენერები პოლონეთიდან და საქართველოდან, რომლებიც ინტერაქტიულად მიაწვდიან სემინარის მონაწილეებს ინფორმაციას ყრუ-უსინათლოთა პრობლემების, ევროკავშირის დონეზე საკანონმდებლო ჩარჩოსა და ყრუ-უსინათლო ადამიანებთან ურთიერთქმედების სპეციფიკის შესახებ.

სემინარზე უზრუნველყოფილი იქნება ყავის შესვენება. დასრულს თითოეულ მონაწილეს გადაეცემა სერტიფიკატი.

ადგილები შეზღუდულია.სემინარზე დასწრების მსურველებს, გთხოვთ გაიაროთ წინასწარი რეგისტრაცია ბმულზე.

 

გაზიარება

მსგავსი სიახლეები

გამოქვეყნდა Erasmus+-ის 2027 წლის პროგრამის სახელმძღვანელო

გამოქვეყნდა Erasmus+-ის 2027 წლის პროგრამის სახელმძღვანელო

Erasmus+-ის 2027 წლის პროგრამის სახელმძღვანელო ხელმისაწვდომია პროგრამის ოფიციალურ ვებგვერდზე.
ცხადდება ვაკანსია საქმისწარმოების მენეჯერის ვაკანტურ თანამდებობაზე

ცხადდება ვაკანსია საქმისწარმოების მენეჯერის ვაკანტურ თანამდებობაზე

წმ. ანდრიას ქართული უნივერსიტეტი აცხადებს ვაკანსიას საქმისწარმოების მენეჯერის ვაკანტურ თანამდებობაზე. განაცხადების მიღების ბოლო ვადაა 3 დეკემბერი.
„მე ექსპერიმენტატორი“ - რეგისტრაცია VII-XII კლასის მოსწავლეებისთვის

„მე ექსპერიმენტატორი“ - რეგისტრაცია VII-XII კლასის მოსწავლეებისთვის

სანგუ VII-XII კლასის მოსწავლეებს სასკოლო პროექტში „მე ექსპერიმენტატორი“ მონაწილეობისა და ფიზიკის ლაბორატორიაში პრაქტიკული ექსპერიმენტების ჩატარების შესაძლებლობა...

მთარგმნელ-თარჯიმანთა უმაღლესი სკოლა

მეტის ნახვა

სწავლის შეღავათიანი პირობები

მეტის ნახვა

მასწავლებლის მომზადების 60 კრედიტიანი პროგრამა

მეტის ნახვა