საუნივერსიტეტო ინტელექტუალური ოლიმპიადა სტუდენტებისთვის

ახალგაზრდული მოძრაობა „დავითიანნი“, წმ. ანდრიას ქართულ უნივერსიტეტთან თანამშრომლობის ფარგლებში, სტუდენტებისთვის საუნივერსიტეტო ინტელექტუალურ ოლიმპიადას „გაიცანი აფხაზეთი - დაიცავი მემკვიდრეობა“ გამართავს.

ოლიმპიადა სტუდენტებს შესაძლებლობას მისცემს, გამოსცადონ საკუთარი ცოდნა და გუნდურ და ინდივიდუალურ ფორმატში ჩაერთონ ინტელექტუალურ შეჯიბრებაში.

ოლიმპიადა სამ ეტაპად ჩატარდება:

• I ეტაპი - გუნდური საკვალიფიკაციო ტური, რომელიც კროსვორდების ფორმატით გაიმართება. თითოეულ გუნდში 2-3 სტუდენტი უნდა გაერთიანდეს;

• II ეტაპი - ინდივიდუალური ტური და ტესტირება;

• III ეტაპი - გუნდური ფინალი, სადაც გამარჯვებული და I, II და III ადგილზე გასული გუნდები გამოვლინდებიან.

ოლიმპიადაში ჩართულ ყველა მონაწილეს გადაეცემა სერტიფიკატი და სასტიპენდიო ქულა.

გამარჯვებულ გუნდებს შესაძლებლობა ექნებათ, გრანდ-ფინალში წმ. ანდრიას ქართული უნივერსიტეტის სახელით იასპარეზონ.

რეგისტრაციის ბოლო ვადა: 6 ნოემბერი
რეგისტრაციის ბმული.

ჩაერთეთ ოლიმპიადაში „გაიცანი აფხაზეთი - დაიცავი მემკვიდრეობა“ და გამოსცადეთ საკუთარი ცოდნა.