25 მაისს, 14:00 საათზე, წმ. ანდრიას ქართულ უნივერსიტეტში გაიმართება პროფესორ დევიდ ელერის (David Ellery) საჯარო ლექცია თემაზე: „გეოპოლიტიკური გაურკვევლობა და არაპროგნოზირებადობა: გამოწვევა და შესაძლებლობა“.
ლექციის ფარგლებში პროფესორი ელერი ისაუბრებს თანამედროვე საერთაშორისო გარემოში არსებული გეოპოლიტიკური გამოწვევების, სტრატეგიული ლიდერობის, უსაფრთხოების პოლიტიკისა და გლობალური არასტაბილურობის პირობებში შესაძლებლობების ეფექტიანად გამოყენების შესახებ.
პროფესორი დევიდ ელერი არის სტრატეგიისა და სტრატეგიული ლიდერობის სფეროში საერთაშორისო მასშტაბით აღიარებული ექსპერტი. მას 35-წლიანი გამოცდილება აქვს საგარეო და სახელმწიფო სამსახურში, სადაც უმაღლეს დონეზე მონაწილეობდა სტრატეგიული პოლიტიკის ფორმირებასა და განხორციელებაში, მათ შორის ეროვნული უსაფრთხოებისა და თავდაცვის მიმართულებით.
იგი არის დარემის უნივერსიტეტის (University of Durham) პროფესორი, საპატიო წევრი, ვენის ეროვნული თავდაცვის აკადემიის პროფესორი და დასავლეთ ბალკანეთის რეგიონული სტრატეგიული ლიდერობის კურსის დეკანი, ოქსფორდის უნივერსიტეტში „Changing Character of War“ პროგრამის უფროსი მკვლევარი. ასევე, თანამშრომლობს დარემის კვლევისა და ინოვაციების ინსტიტუტთან, სადაც მისი საქმიანობა კონცენტრირებულია სტრატეგიასა და სტრატეგიულ ლიდერობაზე თანამედროვე ტექნოლოგიების განვითარებისა და გამოყენების კონტექსტში.
სასაუბრო ენა: ინგლისური.
დასწრება თავისუფალია.
გააზიარე
