მენიუ

მთარგმენლ-თარჯიმანთა ცენტრის კურსდამთავრებულები (2022)

ქეთევან ქურციკიძე

რატომ გადაწყვიტეთ მთარგმნელ/თარჯიმანთა უმაღლეს სკოლაში ჩაბარება?
მოძიებული დაწესებულებებიდან მთარგმნელ/თარჯიმანთა უმაღლესი სკოლა იყო ყველაზე რეალური და სასარგებლო გრაფიკის, შინაარსისა და მასწავლებლების გათვალისწინებით

როგორ იყო ორგანიზებული სწავლა?
სწავლება იყო უმაღლეს დონეზე ორგანიზებული და აკმაყოფილებდა ჩემს საჭიროებებს. ყოველთვის გათვალისწინებული იყო ჩემი სამუშაო გრაფიკი და დისტანცია სასწავლებლიდან. სასწავლო პროგრამა კარგად იყო მორგებული მსმენელთა მოთხოვნებზე და საჭიროებებზე.

რას იტყოდით მასწავლებლების შესახებ?
ჩემი სტუდენტური თუ პროფესიული საქმიანობის განმავლობაში იშვიათად შევხვედრივარ ისეთი მაღალი კვალიფიკაციისა და უნარების მქონე ადამიანებს, როგორებიც ბატონი ოთარი და ქალბატონი მარინა არიან. უდიდესი გამოცდილება გაგვიზიარეს და სიამოვნებით გვეხმარებოდნენ პროფესიული უნარების ამაღლებაში.

გამართლდა თუ არა თქვენი მოლოდინი და რას ურჩევდით ჩვენს სკოლაში ჩაბარების სხვა მსურველებს?
კურსმა ჩემი მოლოდინები სრულად გაამართლა. მთარგმნელობით საქმიანობაში ჩართულ ყველა ადამიანს ვურჩევ ჩააბარონ სკოლაში და გახადონ საკუთარი სფერო მეტად პროფესიონალური.

თქვენი სურვილები სკოლის მიმართ?
სკოლას ვუსურვებ ბევრ საინტერესო სტუდენტს და მადლიერ კურსდამთავრებულს, რადგან, ჩემი აზრით, ეს პირდაპირპროპორციულად აისახება სკოლის წარმატებებსა და შემდგომ საქმიანობაზე.

გისურვებთ წარმატებას და მადლობას მოგახსენებთ გაწეული შრომისთვის!

ნინო შავდათუაშვილი

რატომ გადაწყვიტეთ მთარგმნელ/თარჯიმანთა უმაღლეს სკოლაში ჩაბარება?
სკოლაში ჩაბარება გადავწყვიტე პროფესიული კვალიფიკაციის ამაღლების მიზნით და მთარგმნელობითი და თარჯიმნის უნარების გაუმჯობესების მიზნით

როგორ იყო ორგანიზებული სწავლა?
სწავლი იყო ძალიან კარგად ორგანიზებული და დაგეგმილი იყო მსმენელის საჭიროებებზე ზედმიწევნით მორგებული.

რას იტყოდით მასწავლებლების შესახებ?
მასწავლებლების შესახებ რაც შემიძლია ვთქვა არის ის, რომ სკოლას ვტოვებ საუკეთესო შთაბეჭდილებებით. არიან საკუთარი საქმის აბსოლუტური პროფესიონალები და არაჩვეულებრივი პიროვნებები. აუდიტორიაში და ლექციაზე ყოველთვის იყო ძალიან სასიამოვნო ატმოსფერო. ყოველთვის ცდილობდნენ ინდივიდუალურად გაეთვალისწინებინათ თითოეული მსმენელის საჭიროება.

გამართლდა თუ არა თქვენი მოლოდინი და რას ურჩევდით ჩვენს სკოლაში ჩაბარების სხვა მსურველებს?
ჩემი მოლოდინი გამართლდა და უფრო მეტიც, მოლოდინს გადააჭარბა. ვურჩევ ყველა მსურველს, ვისთვისაც მნიშვნელოვანია მიიღოს თეორიული და პრაქტიკული ცოდნა მთარგმნელობითი საქმიანობის შესახებ, გაიაროს აღნიშნული კურსი.

თქვენი სურვილები სკოლის მიმართ
სკოლას ვუსურვებ წარმატებას საკუთარ საქმიანობაში, დასახული მიზნების წარმატებით განხორციელებას.

იზა ჯანიაშვილი

რატომ გადაწყვიტეთ მთარგმნელ/თარჯიმანთა უმაღლეს სკოლაში ჩაბარება?
მთარგმნელად მუშაობის 11 წლიან პერიოდში დროდადრო მიწევდა თარჯიმნის მოვალეობის შესრულებაც, რაც ჩემი მხრიდან დიდ ძალისხმევას მოითხოვდა, თუ გავითვალისწინებთ იმას, რომ ამ მიმართულებით არანაირი ტექნიკა და განვითარებული უნარები არ მქონდა და ყოველთვის სპონტანურად, საკუთარი უნარების ფარგლებში მიწევდა ამ საქმისთვის თავის გართმევა. სწორედ აღნიშნული უნარების დახვეწის მიზნით გადავწყვიტე ამ სკოლაში ჩაბარება.

როგორ იყო ორგანიზებული სწავლა?
ვფიქრობ, რომ კარგად, რადგან შედგენილი პროგრამა ითვალისწინებდა თეორიულიდან პრაქტიკულ სწავლებაზე გადასვლას. რაც მთავარია, მორგებული იყო ჩემს სამუშაო გრაფიკზე.

რას იტყოდით მასწავლებლების შესახებ?
ყველაფერს საუკეთესოს, რადგან მაქსიმალურად ორიენტირებული იყვნენ ჩემი, როგორც მსმენელის, საჭიროებებზე.

გამართლდა თუ არა თქვენი მოლოდინი და რას ურჩევდით ჩვენს სკოლაში ჩაბარების სხვა მსურველებს?
დიახ, გამართლდა, და სხვებსაც ვურჩევდი საკუთარი უნარების ამ სკოლაში გაღრმავებას, თუმცა ვისურვებდი, რომ პროგრამა უფრო ხანგრძლივ პერიოდზე იყოს გაწერილი.

თქვენი სურვილები სკოლის მიმართ
მინდა გისურვოთ წარმატებები და წინსვლა პროფესიული კუთხით და თქვენი ცოდნისა და გამოცდილების სხვა, ჩემი მსგავსი მსმენელებისთვის გადაცემა.

 

 

შეთავაზება SANGU-ს კურსდამთავრებულებს

თუ საბაკალავრო საფეხური SANGU-ში დაამთავრე და ახლა სამაგისტრო პროგრამაზე გეგმავ სწავლის გაგრძელებას, ეს შეთავაზება შენთვისაა
Learn More

სწავლის შეღავათიანი პირობები

აირჩიეთ SANGU პირველ, მეორე ან მესამე ნომრად და ისარგებლეთ ფინანსური მხარდაჭერით
Learn More

მასწავლებლის მომზადების 60 კრედიტიანი პროგრამა

მასწავლებლის მომზადების 60 კრედიტიანი პროგრამა
მეტის ნახვა