ახალგაზრდობის სააგენტო აცხადებს საგრანტო კონკურსს სტუდენტებისთვის, რომლის მიზანია უმაღლესი და პროფესიული საგანმანათლებლო დაწესებულებების სტუდენტების მხარდაჭერა, გაძლიერება და მათთვის მრავალფეროვანი შესაძლებლობების შეთავაზება.
კონკურსში მონაწილეობის უფლება აქვს საქართველოს მოქალაქეს, უმაღლესი ან/და პროფესიული საგანმანათლებლო დაწესებულების აქტიური სტატუსის მქონე სტუდენტს/პროფესიულ სტუდენტს, რომელიც საგრანტო პროექტის განხორციელების მიზნით საინიციატივო ჯგუფში აერთიანებს აქტიური სტატუსის მქონე არანაკლებ 5 სტუდენტს/პროფესიულ სტუდენტს.
კონკურსის საერთო ბიუჯეტია 180 000 ლარი, ხოლო ერთი საგრანტო პროექტი შესაძლოა დაფინანსდეს მაქსიმუმ 15 000 ლარით. განაცხადები მიიღება 2026 წლის 11 თებერვლიდან 8 მარტის ჩათვლით აღნიშნულ ელ. ფოსტაზე: grants-2@youthagency.gov.ge
საგრანტო კონკურსის შესახებ დეტალური ინფორმაცია ხელმისაწვდომია ბმულზე: https://youthagency.gov.ge/sagranto-konkursebi/akhalgazrduli-iniciativebi/
გააზიარე
