თუ ხარ X-XII კლასის მოსწავლე, ეს კურსი ზუსტად შენ საჭიროებებზეა მორგებული. დარეგისტრირდი SANGU-ს ჰუმანიტარულ მეცნიერებათა და სამართლის სკოლის ტრენინგ კურსებზე, რომლის ფარგლებში, ჩატარდება ლექცია/სემინარები შემდეგ თემებზე:
აღმოაჩინე შენი პროფესია - ქართული ფილოლოგია
თარიღი: 21 მარტი, 16:00 სთ. (ილია მართლის სახელობის საკონფერენციო დარბაზი, უნივერსიტეტის I კორპ. IV სართული). ხანგრძლივობა - 90 წთ.
მიიღე ამომწურავი ინფორმაცია ფილოლოგიის პროფესიის შესახებ, გაეცანი SANGU-ს ქართული ფილოლოგიის საბაკალავრო პროგრამას, დასაქმების პერსპექტივებს,
სპიკერები: საქართველოს ენის სახელმწიფო დეპარტამენტის თავმჯდომარე, ფილოლოგიის მეცნიერებათა დოქტორი გიორგი ალიბეგაშვილი, ფილოლოგიის დოქტორი ეკა დუღაშვილი, ფილოლოგიის დოქტორი თეა ბურჭულაძე, „რა არის ციფრული ფილოლოგია?“ - ლინგვისტიკის მაგისტრი ნათია სადღობელაშვილი.
გაიმართება ერთიანი ეროვნული გამოცდების ქართული ენისა და ლიტერატურის ტესტების იმიტირებული დავალების შესრულება და ლიტერატურული ვიქტორინა.
აღმოაჩინე შენი პროფესია - ისტორია
თარიღი: 22 მარტი, 16:00 სთ. (ილია მართლის სახელობის საკონფერენციო დარბაზი, უნივერსიტეტის I კორპ. IV სართული)
ისტორიის დოქტორი, ეროვნული ბიბლიოთეკის გენერალური დირექტორის მოადგილე, SANGU-ს ლექტორი მირიან ხოსიტაშვილი ისაუბრებს ისტორიკოსის პროფესიაზე, მის თავისებურებებზე, სამომავლო პერსპექტივებზე და დასაქმების სფეროზე.
შეხვედრის მეორე ნაწილში აბიტურიენტებისთვის გაიმართება შეჯიბრი, სადაც დაიყოფიან ჯგუფებად და იმსჯელებენ კონკრეტული ისტორიული მოვლენის/გადაწყვეტილების ამსახველი დოკუმენტის ტექსტზე.
აღმოაჩინე შენი პროფესია - საერთაშორისო ურთიერთობები
თარიღი: 23 მარტი, 16:00 სთ. (ილია მართლის სახელობის საკონფერენციო დარბაზი, უნივერსიტეტის I კორპ. IV სართული)
გაიმართება ვორქშოფი თემაზე: „გაეროს მოდელირება“.
მონაწილეები დაიყოფიან ჯგუფებად და მიიღებენ მონაწილეობას გაერთიანებული ერების ორგანიზაციაში მიმდინარე აქტუალური პროცესის მოდელირებაში.
სარეგისტრაციო ბმული.