ტრენინგი: ენაზე დაფუძნებული დასწავლის სირთულის (LLD) მქონე მოსწავლის იდენტიფიკაცია და ინტერვენცია

ვიწვევთ საგნის მასწავლებლებს, სპეციალური განათლების მასწავლებლებს, სკოლის დამხმარე სპეციალისტებს, მშობლებს, მეტყველების თერაპევტებსა და ბავშვებთან მომუშავე ყველა დაინტერესებულ პირს ონლაინ ტრენინგში "ენაზე დაფუძნებული დასწავლის სირთულის (LLD) მქონე მოსწავლის იდენტიფიკაცია და ინტერვენცია" მონაწილეობისთვის. ტრენინგი განკუთვნილია მათთვის, ვისაც სურს შეისწავლოს ენაზე დაფუძნებული დასწავლის სირთულეების (LLD) მქონე მოსწავლეების იდენტიფიკაცია, და გაიუმჯობესოს ცოდნა ამ მიმართულებით ინტერვენციის დაგეგმვასა და განხორციელებაში.

მონაწილეები მიიღებენ ცოდნას და პრაქტიკულ ინსტრუმენტებს, რომლებიც დაეხმარებათ LLD-ის მქონე მოსწავლეების წიგნიერებისა და კომუნიკაციის უნარების გაუმჯობესებაში, ქცევით-ემოციურ სირთულეებთან გამკლავებაში, და შესაბამისი ინტერვენციის დაგეგმვასა და რეალიზაციაში.

ტრენინგის შედეგები:
ტრენინგის მონაწილეები:

• განსაზღვრავენ ენაზე დაფუძნებული დასწავლის სირთულის (LLD) რაობას და მის მახასიათებლებს;
• გაანალიზებენ, რა გავლენა აქვს LLD-ს მოსწავლის წიგნიერებაზე, საკომუნიკაციო უნარებსა და ქცევით-ემოციურ სფეროზე;
• გაიგებენ, რამდენად მნიშვნელოვანია ენობრივი დასწავლის მქონე მოსწავლის რაც შეიძლება ადრეული იდენტიფიკაცია პრევენციისათვის;
• შეძლებენ სასკოლო სივრცეში LLD-ის მქონე მოსწავლის პირველადი  ნიშნების იდენტიფიკაციისთვის დისლექსია/LLD-ის ადრეული ნიშნების საიდენტიფიკაციო „ჩეკლისტის“ გამოყენებას; 
• LLD-ის მქონე მოსწავლე ენობრივი უნარების შეფასების ინსტრუმენტის გამოყენებით ისწავლან ინტერვენციის გეგმის შედგენას და მის პრაქტიკაში გამოყენებას;
• გაეცნობიან ადაპტაციის მეთოდებს და საჭიროების შემთხვევაში გამოიყენებენ მათ LLD-ის მქონე მოსწავლეებთან.

საფასური:
ტრენინგი ფასიანია – 90 ლარი. SANGU-ს კურსდამთავრებულებისა და „სპეციალური განათლების პედაგოგთა ასოციაციის“ წევრებისთვის ფასი შეადგენს 70 ლარს.

რეგისტრაცია:
ტრენინგზე რეგისტრაციისთვის გთხოვთ, გადახვიდეთ შემდეგ ბმულზე.

მსმენელთა რაოდენობა:
ჯგუფში ოპტიმალური რაოდენობაა: 15-22 მსმენელი.

ტრენინგის ფორმატი და ხანგრძლივობა:
ტრენინგი ტარდება 3 დღის განმავლობაში ონლაინ ფორმატში და მოიცავს 9 საკონტაქტო საათს. თითოეული შეხვედრის ხანგრძლივობა შეადგენს 3 საათს.

I ჯგუფი:

• თარიღი: 16, 18, 21 ოქტომბერი;
• დრო: 17:00-20:00 სთ.

II ჯგუფი:

• თარიღი: 30 ოქტომბერი, 1 და 4 ნოემბერი;
• დრო: 17:00-20:00 სთ.

ტრენინგის წარმატებით დასრულების შემდეგ მონაწილეებს გადაეცემათ სერტიფიკატი.

ტრენერები:
სპეციალური განათლების მაგისტრები: თეონა თარგამაძე და ხატია ცოცხალაშვილი.