საჯარო ლექცია თემაზე: "შესაძლებლობები არ გვეძლევა, მათ ჩვენ ვქმნით"

26 მარტს განათლების ფსიქოლოგმა ნატა ასათიანმა SANGU-ს სტუდენტებისთვის წაიკითხა საჯარო ლექცია თემაზე: "შესაძლებლობები არ გვეძლევა, მათ ჩვენ ვქმნით".

მომხსენებელმა ძალიან საინტერესოდ და დეტალურად ისაუბრა ადამიანის ნიჭის, მისი აღმოჩენისა და განვითარების შესაძლებლობების შესახებ. მან გამოჩენილ მეცნიერთა ნააზრევის მოხმობით და პრაქტიკული მაგალითებით ნათლად დაანახა მსმენელს, რომ ნიჭის შესაბამისი შრომა ყოველთვის ფასდება, მთავარია ვუერთგულოთ იმ ნიჭს, რომელსაც ჩვენში აღმოვაჩენთ.

შეხვედრის მეორე ნაწილი დისკუსიას დაეთმო. ნატა ასათიანმა დამსწრეთა შეკითხვებს ამომწურავად უპასუხა.

შეხვედრას SANGU-ს რექტორი, პროფესორი ირაკლი ბრაჭული, პროფესორები და სტუდენტები ესწრებოდნენ. ღონისძიების ორგანიზატორი იყო SANGU-ს ბიბლიოთეკა.