SANGU-ში სპექტაკლის - “მიტროპოლიტი ნაზარ ლეჟავა და მოწამენი მისნი” ჩვენება გაიმართა

17 ოქტომბერს, SANGU-ში, საქართველოს საპატრიარქოს საზოგადოებასთან ურთიერთობის სამსახურის მხარდაჭერითა და კულტურულ-საგანმანათლებლო ცენტრ “იცანის” ორგანიზებით რეჟისორ გოგა თავაძის სპექტაკლის - “მიტროპოლიტი ნაზარ ლეჟავა და მოწამენი მისნი” ჩვენება გაიმართა.

თეატრალურ წარმოდგენაში მოზარდმაყურებელთა თეატრის მსახიობები: ნინო ანდრიაძე, ზურა არუსია, ნიკოლოზ კვანტალიანი და ვამეხ ჯანგიძე მონაწილეობდნენ. ღონისძიების ფარგლებში ასევე გაიმართა მუსიკალური წარმოდგენა ჯგუფ "იცანის" შესრულებით.

დასასრულს, აუდიტორიას სიტყვით მიმართა საქართველოს საპატრიარქოს საზოგადოებასთან ურთიერთობის სამსახურის წარმომადგენელმა, მღვდელმა გაბრიელ ბარბაქაძემ, რომელმაც მსახიობებს წარმოდგენილი სპექტაკლისთვის, SANGU-ს სტუდენტებს კი ღონისძიებაზე დასწრებისთვის მადლობა გადაუხადა.