ახალგაზრდული ფესტივალი “სტუდფესტი 2025”

საქართველოს განათლების, მეცნიერებისა და ახალგაზრდობის სამინისტროს ინიციატივითა და სსიპ ახალგაზრდობის სააგენტოს ორგანიზებით, 2025 წლის მარტიდან მთელი წლის განმავლობაში მასშტაბური ახალგაზრდული ფესტივალი “სტუდფესტი 2025” გაიმართება.

ფესტივალი აერთიანებს საქართველოს მასშტაბით ავტორიზებული უმაღლესი საგანმანათლებლო დაწესებულებების სტუდენტებს სპორტულ, საგანმანათლებლო, შემოქმედებით, STEM, კულტურულ და მოხალისეობრივ ღონისძიებებში.

ახალგაზრდული ფესტივალის მიზანია შექმნას ახალგაზრდებისთვის პლატფორმა, საკუთარი თავის გამოხატვის, უნარების გამოვლენის, ნიჭის გაზიარებისა და პოზიტიური ცვლილებებისთვის.

იმისათვის, რომ ფესტივალის ფარგლებში დაგეგმილი აქტივობები შეესაბამებოდეს ახალგაზრდების ინტერესებსა და საჭიროებებს, გთხოვთ მიიღოთ მონაწილეობა სტუდენტების გამოკითხვაში და ერთად დავაიდენტიფიციროთ “სტუდფესტი 2025”-ის აქტივობები.

კითხვარის შესავსებად მიჰყევით ბმულს.