აღმოაჩინე შენი პროფესია - ადვოკატი

2025 წლის 13 მარტს, წმ. ანდრიას ქართულ უნივერსიტეტში პროექტის „აღმოაჩინე შენი პროფესია“ ფარგლებში, IX-XII კლასის მოსწავლეებისთვის ჩატარდა ტრენინგი თემაზე: „ადვოკატის პროფესია“. ტრენინგს უძღვებოდა ქეთევან ხურცილავა – იურიდიული სფეროს გამოცდილი სპეციალისტი, რომელმაც მონაწილეებს პროფესიის საფუძვლები და კარიერული განვითარების შესაძლებლობები გააცნო.

ტრენინგის მიზანი იყო მოსწავლეებისათვის ადვოკატის საქმიანობის სპეციფიკის გაცნობა და მათთვის პროფესიული ორიენტაციის პროცესში დახმარება. შეხვედრის ფარგლებში მონაწილეებმა დეტალურად განიხილეს:

• ადვოკატის როლი და ფუნქციები სამართლებრივ სისტემაში;
• პროფესიისთვის საჭირო უნარ-ჩვევები და მათი განვითარების გზები;
• იურიდიული განათლებისა და კარიერული განვითარების ეტაპები;
• ადვოკატის პროფესიული ეთიკის ძირითადი პრინციპები.

ტრენინგი ინტერაქტიულ ფორმატში ჩატარდა – მოსწავლეებმა აქტიურად დასვეს შეკითხვები, მოისმინეს რეალური გამოცდილებიდან მოყვანილი მაგალითები და მიიღეს პრაქტიკული რჩევები ადვოკატის კარიერის დასაწყებად.
ქეთევან ხურცილავამ განსაკუთრებული ყურადღება გაამახვილა ადვოკატისთვის აუცილებელ პიროვნულ თვისებებზე, როგორიცაა კომუნიკაციის უნარი, კრიტიკული აზროვნება, არგუმენტაციის ხელოვნება და პასუხისმგებლობა.

ღონისძიების დასასრულს, მონაწილეებმა მადლობა გადაუხადეს უნივერსიტეტს და სპიკერს, აღნიშნეს, რომ ტრენინგმა მათ მეტი მოტივაცია და მიმართულება მისცა მომავალი პროფესიული გზის დაგეგმვაში.

SANGU აქტიურად აგრძელებს სკოლის მოსწავლეებისათვის კარიერული განათლების მხარდაჭერას და მომავალშიც არაერთ საინტერესო შეხვედრასა და ტრენინგს უმასპინძლებს.