Tech დასაქმებისა და კარიერის ფორუმი SANGU-ში

Tech დასაქმებისა და კარიერის ფორუმი წმ. ანდრიას ქართულ უნივერსიტეტში

2025 წლის 27 მაისს, 12:00 საათზე, წმ. ანდრია პირველწოდებულის სახელობის ქართული უნივერსიტეტი უმასპინძლებს Tech დასაქმებისა და კარიერის ფორუმს, რომელიც განკუთვნილია კომპიუტერული მეცნიერების საბაკალავრო და სამაგისტრო პროგრამების სტუდენტებისა და კურსდამთავრებულებისთვის.

ფორუმის მიზანია მონაწილეთათვის თანამედროვე შრომის ბაზრის მოთხოვნებთან შესაბამისი კარიერული შესაძლებლობების წარდგენა და ტექნოლოგიური ინდუსტრიის ტენდენციების გაცნობა.

ღონისძიებაში მონაწილეობას მიიღებენ ადგილობრივი და საერთაშორისო ტექნოლოგიური კომპანიები და საჯარო ორგანიზაციები, რომლებიც დაინტერესებულნი არიან ინფორმაციული ტექნოლოგიების სფეროში ახალი კადრების შერჩევით.

ფორუმის ფარგლებში მონაწილეებს მიეცემათ შესაძლებლობა:

• მიიღონ ინფორმაცია მიმდინარე ვაკანსიებისა და სტაჟირების პროგრამების შესახებ;
• პირადად შეხვდნენ დამსაქმებლებს და დაამყარონ პროფესიული კავშირები;
• გაეცნონ კარიერული განვითარების მიმართულებებს ტექნოლოგიურ სექტორში.

ღონისძიების ფარგლებში გათვალისწინებულია ფურშეტი და გამოყოფილი იქნება სპეციალური სივრცე კომუნიკაციისთვის.

მისამართი: ილია ჭავჭავაძის გამზირი №53ა, თბილისი
თარიღი: 27 მაისი, 2025
დრო: 12:00 საათი