ცხადდება "საქართველოს შემსწავლელი მეცნიერებების“ ერთობლივი კვლევითი პროგრამის საგრანტო კონკურსი

შოთა რუსთაველის ეროვნული სამეცნიერო ფონდისა და ოქსფორდის უნივერსიტეტის ერთობლივი საგრანტო კონკურსი

ფონდი აცხადებს შოთა რუსთაველის საქართველოს ეროვნული სამეცნიერო ფონდისა და ოქსფორდის უნივერსიტეტის „საქართველოს შემსწავლელი მეცნიერებების“ ერთობლივი კვლევითი პროგრამის 2025 წლის საგრანტო კონკურსს.

კონკურსის სახელწოდება:
შოთა რუსთაველის საქართველოს ეროვნული სამეცნიერო ფონდისა და ოქსფორდის უნივერსიტეტის „საქართველოს შემსწავლელი მეცნიერებების“ ერთობლივი კვლევითი პროგრამის საგრანტო კონკურსი

კონკურსის აბრევიატურა: UO GSP

კონკურსის მიზნები:

ა) საქართველოს შემსწავლელი მეცნიერებების მიმართულებით საერთაშორისო სტანდარტების შესაბამისი თანამედროვე დარგობრივი და ინტერდისციპლინური კვლევების განვითარება და პოპულარიზაცია საერთაშორისო აკადემიურ სივრცეში;

ბ) ახალგაზრდა მკვლევართა მოზიდვა და მათი სამეცნიერო პოტენციალის გაძლიერება; ქვეყნის ისტორიის, კულტურის, დამწერლობის, ენისა და ლიტერატურის, არქეოლოგიისა და ხელოვნების, რელიგიისა და სოციალურ-ეკონომიკური თუ პოლიტიკური ტრანსფორმაციების კვლევის შედეგების ინტეგრაცია საერთაშორისო აკადემიურ ქსელში;

გ) საქართველოსა და რეგიონის შემსწავლელი თანამედროვე კვლევების საფუძველზე თანამშრომლური კონტაქტებისა და კვლევითი კონსორციუმების ჩამოყალიბება და მრავალმხრივი, მდგრადი საერთაშორისო სამეცნიერო თანამშრომლობის უზრუნველყოფა.

დამატებითი ინფორმაციის მისაღებად, გადადით ბმულზე.