მემორანდუმი პოლონეთის ნოვი სონჩის ბიზნეს სკოლასთან

პოლონეთის ნოვი სონჩის ბიზნეს სკოლასთან

წმ. ანდრიას ქართულმა უნივერსიტეტმა (სანგუ) თანამშრომლობის მემორანდუმი გააფორმა პოლონეთის ნოვი სონჩის ბიზნეს სკოლასთან - National Louis University (WSB-NLU).

თანამშრომლობა მიზნად ისახავს ბიზნესის ადმინისტრირებისა და სამეცნიერო კვლევების მიმართულებით უმაღლესი განათლების განვითარების ხელშეწყობას და საერთაშორისო აკადემიური კავშირების გაძლიერებას.

თანამშრომლობის ფარგლებში გათვალისწინებულია:

• სტუდენტებისა და აკადემიური პერსონალის გაცვლა - მობილობის შესაძლებლობების გაფართოება
• სამეცნიერო და აკადემიური აქტივობები - ერთობლივი კვლევითი პროექტების განხორციელება და მათი საერთაშორისო დონეზე გამოქვეყნება
• საერთაშორისო ღონისძიებები - სემინარები, ვორქშოფები, კონფერენციები და საზაფხულო სკოლები

აღნიშნული პარტნიორობა სანგუს სტუდენტებსა და აკადემიურ პერსონალს უხსნის ახალ საერთაშორისო შესაძლებლობებს და წარმოადგენს მნიშვნელოვან ნაბიჯს უნივერსიტეტის ინტერნაციონალიზაციის მიმართულებით.