ვორკშოპი სტუდენტებისთვის - ხელოვნური ინტელექტის კეთილსინდისიერი გამოყენება
11 ივნისს სანგუში გაიმართა ვორკშოპი სტუდენტებისთვის, რომელიც ხელოვნური ინტელექტის პასუხისმგებლიან და აკადემიური კეთილსინდისიერების პრინციპებთან შესაბამის გამოყენებას მიეძღვნა.
ვორკშოპი სტუდენტებისთვის: ხელოვნური ინტელექტის კეთილსინდისიერი გამოყენება
11 ივნისს სანგუში გაიმართა ვორკშოპი თემაზე „ხელოვნური ინტელექტის (AI) კეთილსინდისიერი გამოყენება“, რომელიც საბაკალავრო და სამაგისტრო პროგრამების სტუდენტებისთვის იყო განკუთვნილი.
ვორკშოპის მიზანი იყო სტუდენტების ცნობიერების ამაღლება აკადემიური კეთილსინდისიერების პრინციპების, პლაგიატის პრევენციისა და ხელოვნური ინტელექტის პასუხისმგებლიანი გამოყენების საკითხებზე. მონაწილეებმა მიიღეს ინფორმაცია აკადემიურ საქმიანობაში მოქმედი ეთიკური სტანდარტების, წყაროების სათანადო მითითებისა და აკადემიური ნაშრომების მომზადებისას გამჭვირვალობის მნიშვნელობის შესახებ.
შეხვედრის ფარგლებში წარდგენილი იყო უნივერსიტეტის მიერ შემუშავებული AI-ის გამოყენების დამოწმების გზამკვლევი, რომელიც მოიცავს პრაქტიკულ რეკომენდაციებსა და ეტაპობრივ ინსტრუქციებს ხელოვნური ინტელექტის გამოყენების სათანადოდ აღსანიშნავად და დასადასტურებლად აკადემიურ ტექსტებში.
თეორიულ ნაწილთან ერთად, ვორკშოპი მოიცავდა პრაქტიკულ აქტივობებსაც. მონაწილეებმა იმუშავეს ხელოვნური ინტელექტის ინსტრუმენტების გამოყენების სწორად დოკუმენტირებისა და დამოწმების საკითხებზე და პრაქტიკულად განიხილეს, როგორ უნდა აისახოს AI-ის გამოყენება აკადემიურ ნაშრომებში უნივერსიტეტის რეგულაციებისა და საერთაშორისო აკადემიური სტანდარტების შესაბამისად.
მსგავსი სიახლეები
ევროკავშირის ელჩი პაველ ჰერჩინსკი სანგუს ეწვია
5 ოქტომბერს, მასწავლებლის საერთაშორისო დღეს, საქართველოს საპატრიარქოს წმ. ანდრია პირველწოდებულის სახელობის ქართულ უნივერსიტეტს ევროკავშირის ელჩი საქართველოში პა...
ახალი სასწავლო წელი დაიწყო
ახალი სასწავლო წლის პირველ დღეს უნივერსიტეტმა პირველკურსელებს უმასპინძლა.
