საჯარო ლექცია: „ციფრული ტრანსფორმაცია და ხელოვნური ინტელექტი"

9 ოქტომბერს, 12:00 საათზე, წმ. ილია მართლის სახელობის საკონფერენციო დარბაზში Universitas Mercatorum-ის ლექტორი მარია მენშიკოვა გამართავს საჯარო ლექციას თემაზე: „ციფრული ტრანსფორმაცია და ხელოვნური ინტელექტი: გავლენა ორგანიზაციებზე, უმაღლეს განათლებასა და მომავლის უნარებზე“.

ლექციის ფარგლებში საუბარი შეეხება ციფრული ტრანსფორმაციისა და ხელოვნური ინტელექტის თანამედროვე ტენდენციებს, მათ გავლენას ორგანიზაციებსა და უმაღლეს განათლებაზე, ასევე მომავლისთვის საჭირო უნარებს. ლექციის დასრულების შემდეგ სტუდენტებს შესაძლებლობა ექნებათ, ჩაერთონ დისკუსიაში.

სასაუბრო ენა: ინგლისური

ღონისძიება ღიაა ყველა დაინტერესებული პირისთვის.