კონფერენცია თემაზე - "საქართველოს ევროპული და ევროატლანტიკური არჩევანი"

2018 წლის 24 ოქტომბერს ქართული უნივერსიტეტის წმ. ილია მართლის სახელობის საკონფერენციო დარბაზში, "ფრიდრიხ ნაუმანის ფონდი თავისუფლებისთვის" და საინფორმაციო სააგენტო "აქცენტი"-ს ორგანიზებით, გაიმართა კონფერენცია: "საქართველოს ევროპული და ევროატლანტიკური არჩევანი."

კონფერენცია გახსნა საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის რექტორმა, პროფესორმა სერგო ვარდოსანიძემ.

კონფერენციაზე წარმოდგენილი იყო შემდეგი მოხსენებები:

• „საქართველოს ევროპული და ევროატლანტიკური არჩევანი: კონფლიქტების მოგვარების პერსპექტივები„ - თამუნა ქოჩორაძე, შერიგებისა და სამოქალაქო თანასწორობის საკითხებში სახელმწიფო მინისტრის აპარატის პოლიტიკის ანალიზის დაგეგმვისა და საერთაშორისო ურთიერთობების დეპარტამენტის უფროსის მოადგილე;
• "საქართველო და ევროკავშირი" - ევროკავშირის ისტორია, ინსტიტუტები; ევროკავშირის საგარეო პოლიტიკა; ევროკავშირთან საქართველოს ურთიერთობების ისტორია - ეკატერინე ცანავა;
• ევროკავშირისა და საქართველოს სავაჭრო და ეკონომიკური ურთიერთობები - ანალიტიკოსი ზურაბ მოდებაძე.

კონფერენცია სტუდენტთა ინტერაქტიური ჩართვებით საინტერესოდ წარომართა. მისი მიზანი იყო ნატოსა და ევროკავშირის შესახებ დამსწრეთა ინფორმირება, ასევე ევროპული და ევროატლანტიკური ინტეგრაციის მიმართ ახალგაზრდების გაცნობიერებული მხარდაჭერის მოპოვება.