შეხვედრა GPI holding-ის წარმომადგენლებთან
გასაუბრების წარმატებულად გავლის შემთხვევაში სტუდენტებს აქვთ შანსი, გახდნენ GPI holding-ის გუნდის წევრები
12 ოქტომბერს, SANGU-ში დასაქმებისა და კარიერული განვითარების სამმართველოს ორგანიზებით გაიმართა შეხვედრა GPI holding-ის წარმომადგენლებთან.
შეხვედრაზე კომპანიის წარმომადგენლებმა - გაყიდვების მხარდაჭერის და განვითარების მენეჯერმა ანანო სოხაძემ და გაყიდვების ჯგუფის უფროსმა ნათია კახურაშვილმა სტუდენტებისთვის ჩაატარეს ტრენინგი, სადაც დეტალურად ისაუბრეს CV-ის სწორად შედგენის, დამსაქმებლის მიერ გამოქვეყნებული ვაკანსიების სათანადოდ ძიებისა და გასაუბრებაზე ეფექტურად წარდგენის შესახებ.
ტრენინგის შემდეგ დაინტერესებულ სტუდენტებს კომპანიის წარმომადგენლებმა GPI holding-ში ამ ეტაპზე არსებული სტაჟირების პროგრამები და ვაკანსიები წარუდგინეს. ასევე დეტალურად გააცნეს სამუშაო მოვალეობები და ყველა ის კრიტერიუმი, რომელსაც კომპანიასთან თანამშრომლობის სურვილის შემთხვევაში უნდა აკმაყოფილებდეს დასაქმებული.
ინტერაქციული შეხვედრის დასასრულს სტუდენტებმა შეავსეს აპლიკაციები. გასაუბრების წარმატებულად გავლის შემთხვევაში მათ აქვთ შანსი, გახდნენ GPI holding-ის გუნდის წევრები.
მსგავსი სიახლეები
AWS Agentic Football Cup Georgia
22 აგვისტოს წმ. ანდრიას ქართულმა უნივერსიტეტმა AWS Agentic Football Cup Georgia-ს უმასპინძლა, რომელიც AWS User Group Tbilisi-ის ორგანიზებით გაიმართა.
ტრენინგი საგანმანათლებლო პროგრამისა და სასწავლო კურსის სილაბუსის შემუშავებისა და შეფასების მეთოდოლოგია
საინფორმაციო-სამუშაო შეხვედრები მიეძღვნა საგანმანათლებლო პროგრამებისა და სასწავლო კურსების სილაბუსების დაგეგმვის, შემუშავებისა და შეფასების აქტუალურ საკითხებს.
