ევროკომისიის ორგანიზებით, 2026 წლის 19 მარტს გაიმართება მასშტაბური ონლაინ საინფორმაციო და ნეთვორქინგ ვებინარი, რომელიც ეძღვნება აღმოსავლეთ პარტნიორობის ქვეყნების კვლევისა და ინოვაციების სფეროს წარმომადგენელთა მხარდაჭერას.
ღონისძიება მიზნად ისახავს ქართველი მკვლევრებისა და ინოვატორების ინფორმირებას ევროკავშირის კვლევისა და ინოვაციის ჩარჩო პროგრამის — "ჰორიზონტი ევროპას" — სამომავლო პრიორიტეტებისა და დაფინანსების მექანიზმების შესახებ. ვებინარის ფარგლებში განხილული იქნება შემდეგი საკითხები:
• "ჰორიზონტი ევროპას" 2026-2027 წლების სამუშაო პროგრამის წარდგენა;
• აღმოსავლეთ პარტნიორობის რეგიონისთვის სტრატეგიული მნიშვნელობის თემატური მიმართულებები (მაგ: ხელოვნური ინტელექტი მეცნიერებაში);
• ევროპის ინოვაციების საბჭოს (EIC) 2026 წლის სამუშაო პროგრამა;
• სპეციალური საგრანტო შესაძლებლობები ე.წ. „Widening“ ქვეყნებისთვის;
• ზოგადი მიმოხილვა ევროკავშირის მომავალი, მე-10 ჩარჩო პროგრამის (FP10) შესახებ.
ვებინარზე დასწრება რეკომენდებულია მკვლევრებისთვის, აკადემიური პერსონალისთვის, დოქტორანტებისთვის, მეცნიერების სფეროში მოღვაწე ადმინისტრაციული რგოლის წარმომადგენლებისთვის.
ღონისძიების დეტალები:
• თარიღი: 19 მარტი, 2026 წელი
• დრო: 15:00 – 18:30 (თბილისის დროით)
• ფორმატი: ონლაინ (Zoom)
მონაწილეობის მისაღებად აუცილებელია წინასწარი რეგისტრაცია შემდეგ ბმულზე:
დარეგისტრირების შემდეგ, თქვენ მიერ მითითებულ ელექტრონულ ფოსტაზე მიიღებთ ღონისძიებაზე დასასწრებ ინდივიდუალურ ბმულს. გთხოვთ დროულად გაირაოთ რეგისტრაცია.
გააზიარე
