ლექცია-სემინარი თემაზე: „სამხედრო კამპანიების წარმატების და წარუმატებლობის მიზეზები“

21 ნოემბერს SANGU-ს სტუდენტებისთვის თავდაცვის კვლევების მაგისტრმა და საერთაშორისო ურთიერთობების დოქტორმა გიორგი ლეკვეიშვილმა ჩაატარა ლექცია-სემინარი თემაზე: „სამხედრო კამპანიების წარმატების და წარუმატებლობის მიზეზები“.

ლონდონის სამეფო კოლეჯის კურსდამთავრებულმა და თავდაცვის ძალების გენერალური შტაბის J7 დეპარტამენტის საბრძოლო მომზადების დაგეგმვის განყოფილების უფროსმა გიორგი ლეკვეიშვილმა ლექცია-სემინარის ფარგლებში დეტალურად და ძალიან საინტერესოდ მიმოიხილა:

• რატომ ვერ მოახერხა საბჭოთა კავშირმა 1979-89 წლებში ავღანეთის კამპანიის დროს წარმატების მიღწევა და რამ განაპირობა აღნიშნულ ქვეყანაში მისი პოლიტიკის წარუმატებლობა;
• რატომ ვერ შეძლო აშშ-მ და მის მიერ ჩამოყალიბებულმა კოალიციამ 2001-2021 წლებში RSM-ის და ISAF-ის მისიების წარმატებით დასრულება და რამ განაპირობა მისი წარუმატებლობა;
• რატომ ვერ მოახერხა აშშ-მ 2003-2011 წლებში ერაყის კამპანიის წარმატებით დასრულება და რამ განაპირობა მისი პოლიტიკის წარუმატებლობა აღნიშნულ ქვეყანაში;
• მომხსენებელმა ასევე ისაუბრა რუსეთ უკრაინის 2014-2022 წლის ომებზე.

ინტერაქციული ლექცია-სემინარის ფარგლებში მოეწყო ვორქშოფი. დასასრულს, სემინარში მონაწილე აქტიურ სტუდენტებს SANGU-ს რექტორმა, პროფესორმა ირაკლი ბრაჭულმა სერტიფიკატები გადასცა.