6 აპრილს, პროექტის „აღმოაჩინე შენი პროფესია“ ფარგლებში, ბიზნესის ადმინისტრირების მიმართულებით დაინტერესებულ აბიტურიენტებს წმ. ანდრიას ქართულმა უნივერსიტეტმა უმასპინძლა.
შეხვედრის პირველ ნაწილში მოსწავლეები SANGU-ს ბიზნესის, კომპიუტინგისა და სოციალურ მეცნიერებათა სკოლის დეკანს, პროფესორ ლევან ქისტაურს და საზოგადოებასთან და საერთაშორისო ურთიერთობების სამსახურის უფროს დავით გორგიაშვილს შეხვდნენ. შეხვედრაზე აბიტურიენტებმა მიიღეს ამომწურავი ინფორმაცია ბიზნესის ადმინისტრირების საბაკალავრო პროგრამის, სწავლის შესაძლებლობების, გაცვლითი პროგრამების, სტიპენდიებისა და სხვადასხვა საშეღავათო პირობების შესახებ.
შეხვედრის მეორე ნაწილში, მოსწავლეებმა და SANGU-ს ამავე პროგრამის სტუდენტებმა, უსაფრთხოების თანამედროვე ტექნოლოგიებით აღჭურვილი ეროვნული ბანკის საკასო ცენტრი მოინახულეს. ვიზიტის ფარგლებში საკასო ოპერაციებისა და ნაღდი ფულის მიმოქცევის დეპარტამენტის უფროსმა ლევან ძნელაძემ და უსაფრთხოების დეპარტამენტის ხელმძღვანელმა მალხაზ ღოღონიშვილმა შეხვედრის მონაწილეებს დაათვალიერებინეს საკასო ცენტრის სპეციალიზებული შენობა, ფულის საცავი და იმ განსაკუთრებულ შესაძლებლობებზე ესაუბრნენ, რომელიც ამ ნაგებობას გააჩნია. ასევე, გააცნეს ნაღდი ფულისა და სხვა ფასეულობების მართვის პროცესები.
სრულიად საქართველოს კათოლიკოს-პატრიარქის მილოცვაბატონი ირაკლი ბრაჭულის 70 წლის იუბილესთან დაკავშირებითგულითადად ვულოცავთ დაბადებიდან 70 წელს ბატონ ირაკლი ბრაჭულ...
