საჯარო ლექციების სერია პროფესორ რომან სტრასერთან - როგორ მუშაობს ევროკავშირი?

2024 წლის 7, 8 და 9 ოქტომბერს წმ. ანდრიას ქართული უნივერსიტეტის წმ. ილია მართლის სახელობის საკონფერენციო დარბაზში გაიმართება საჯარო ლექციების სერია პროფესორ რომან სტრასერთან - როგორ მუშაობს ევროკავშირი?

პროფ. რომან სტრასერი წარმოშობით ლუქსემბურგიდანაა და უკვე 36 წელზე მეტია, რაც ევროპარლამენტში, სტრასბურგში, ევროპის სახალხო პარტიის (ქრისტიან-დემოკრატები) ჯგუფის სამდივნოში მუშაობს. ის სხვადასხვა დროს იკავებდა ისეთ პოზიციებს, როგორიცაა პოლიტიკური მრჩეველი, ადამიანური რესურსების განყოფილების უფროსი, კულტურათაშორისი და რელიგიური დიალოგის განყოფილების ხელმძღვანელი. ის ასევე გახლავთ ევროპარლამენტის - საქართველოს მეგობრობის ჯგუფის პირველი გენერალური მდივანი.

ლექციების თემატიკა:
როგორ მუშაობს ევროკავშირი?

• 7 ოქტომბერი - ევროკავშირის შექმნა და განვითარება 50-იანი წლებიდან დღემდე; ევროპული ინსტიტუტებისა და ორგანოების ფუნქციონირება
• 8 ოქტომბერი - ევროპარლამენტის მუშაობის სპეციფიკა
• 9 ოქტომბერი - ევროპული კანონმდებლობის შემუშავების პროცესი; ევროკავშირის როლი მოქალაქეების ცხოვრებაში; ევროკავშირის გამოწვევები 2024 წლის ბოლოსთვის; საქართველოს ევროპული და ტრანსატლანტიკური მომავალი

ლექციების ენა: ინგლისური
ხანგრძლივობა: თითოეული შეხვედრა 2 საათი