გამოყენებითი კვლევების კონკურსი ალტე უნივერსიტეტში

გამოყენებითი კვლევების კონკურსი ალტე უნივერსიტეტში

2025 წლის 23 ივნისამდე გახსნილია განაცხადების მიღება გამოყენებითი კვლევების კონკურსზე, რომელიც გამოცხადებულია ალტე უნივერსიტეტის ინიციატივით.

კონკურსის მიზანია წაახალისოს ისეთი კვლევითი პროექტები, რომლებიც მიმართულია კონკრეტული პრობლემების ან პრაქტიკული ამოცანების გადასაჭრელად ახალი ცოდნის შექმნის ან არსებული ცოდნის ახლებურად გამოყენების გზით.

მონაწილეობის უფლება აქვთ:

• ალტე უნივერსიტეტის აფილირებულ, მოწვეულ ან აკადემიურ პერსონალსა და სტუდენტებს;
• საქართველოში რეგისტრირებული სხვა უნივერსიტეტების აკადემიურ პერსონალსა და სტუდენტებს;
• ბიზნესისა და ინოვაციების სექტორის წარმომადგენლებს.

კონკურსის ფარგლებში დაფინანსდება სამი ტიპის გამოყენებითი კვლევა:

• კონცეფციის ან ინოვაციური იდეის შემუშავება;
• საპილოტე კვლევა;
• დანერგვითი კვლევა.

კონკურსის საერთო ბიუჯეტია 200,000 ლარი, რომელიც განაწილდება შერჩეულ პროექტებზე სამივე მიმართულებით.

დაინტერესებულმა პირებმა განცხადებები უნდა გაგზავნონ ელ. ფოსტით შემდეგ მისამართზე: a.kavalashvili@alte.edu.ge
განაცხადების წარდგენის ბოლო ვადაა - 2025 წლის 23 ივნისი.

დეტალური ინფორმაცია კონკურსის შესახებ გთხოვთ, იხილოთ ვებგვერდზე.