საჯარო ლექცია თემაზე „მეხსიერების პოლიტიკა შუა საუკუნეების საქართველოში“
17 ნოემბერს, წმ. ანდრიას ქართულ უნივერსიტეტში სოხუმის უნივერსიტეტის დოქტორანტმა დანიელ ოქროპირიძემ საჯარო ლექცია წაიკითხა თემაზე „მეხსიერების პოლიტიკა შუა საუკუნეების საქართველოში“.
საჯარო ლექცია მეხსიერების პოლიტიკასა და კულტის იდენტობის ტრანსფორმაციაზე
17 ნოემბერს, წმ. ანდრიას ქართულ უნივერსიტეტში გაიმართა საჯარო ლექცია: „მეხსიერების პოლიტიკა შუა საუკუნეების საქართველოში: კულტის იდენტობის ტრანსფორმაცია სახელმწიფოსა და ეკლესიის ურთიერთობაში“. ლექცია ჩაატარა სოხუმის უნივერსიტეტის დოქტორანტმა, ბატონმა დანიელ ოქროპირიძემ.
ლექციაზე განხილული იყო, თუ როგორ მოქმედებდა პოლიტიკური რეალობა რელიგიური კულტების იდენტობის ჩამოყალიბებაზე. მომხსენებელმა ასევე ხაზი გაუსვა მეხსიერების პოლიტიკის როლს ძალაუფლების განაწილებასა და კოლექტიური იდენტობის შექმნაში და განმარტა, თუ როგორ ხდება კოლექტიური იდენტობის ფორმირება სიმბოლური ნარატივებისა და რიტუალურ-კულტურული კონსტრუქციების მეშვეობით.
პოლიტიკური თეოლოგიის პერსპექტივიდან საუბარი შეეხო იმ კულტურ-პოლიტიკურ პროცესებს, რომლებიც ქრისტიანობის გამავრცელებლების, როგორც ქართული სახელმწიფოებრიობის გამამყარებელი ფიგურების, კულტის ფორმირებას განსაზღვრავდა.
მსგავსი სიახლეები
ნარდის, შაშისა და ჭადრაკის ტურნირები SANGU STUDENTS LIFE-ის ფარგლებში
28 ოქტომბერს SANGU STUDENTS LIFE-ის ფარგლებში ნარდის, შაშისა და ჭადრაკის შიდა ტურნირები გაიმართა.
პრაქტიკული სემინარი მაგისტრანტებისთვის: „ჩემი პირველი სამეცნიერო სტატია“
27 ოქტომბერს, წმ. ანდრიას ქართულ უნივერსიტეტში, მაგისტრანტებისთვის სამეცნიერო სტატიის მომზადების შესახებ პრაქტიკული სემინარი გაიმართა.
