სტუდენტების ვიზიტი საქართველოს ეროვნულ მუზეუმში

სასწავლო ვიზიტი საქართველოს ეროვნულ მუზეუმში

ჰუმანიტარულ მეცნიერებათა და სამართლის სკოლის ისტორიისა და ქართული ფილოლოგიის საგანმანათლებლო პროგრამების სტუდენტები სალექციო კურსის „ქართული კულტურის ისტორია“ ფარგლებში, ლექტორის, ასოცირებული პროფესორის ხათუნა კუხალაშვილის ორგანიზებით, საქართველოს ეროვნულ მუზეუმს ესტუმრნენ.

ვიზიტის განმავლობაში სტუდენტები გაეცნენ საქართველოს მრავალსაუკუნოვან კულტურულ მემკვიდრეობას და უნიკალურ არტეფაქტებს. მათ განსაკუთრებული ინტერესით დაათვალიერეს ჰომონიდების ნაშთების გამოფენა, ოქროს ფონდი, კოლხური კულტურის ექსპონატები და საქართველოს ისტორიული და კულტურული განვითარების ამსახველი სხვა მნიშვნელოვანი კოლექციები.

ვიზიტმა სტუდენტებზე ძლიერი ემოციური შთაბეჭდილება მოახდინა. მათ აღნიშნეს, რომ საგანმანათლებლო პროცესში მსგავსი პრაქტიკული ვიზიტები და ნანახი ექსპონატების უშუალოდ აღქმა მნიშვნელოვნად უწყობს ხელს არა მხოლოდ აკადემიური ცოდნის გაღრმავებას, არამედ კულტურული მემკვიდრეობისადმი ინტერესის გაღვივებას და ეროვნული თვითშეგნების ჩამოყალიბებას.