სამეცნიერო სამიტი "Falling Walls Lab 2026"

სტუდენტებისა და ახალგაზრდა პროფესიონალებისთვის კონკურსი „Falling Walls Lab Tbilisi“ გამოცხადდა

DAAD-ის საქართველოს ჯგუფის თანაორგანიზებით, 2026 წლის 20 ივნისს თბილისში გაიმართება საერთაშორისო კონკურსი „Falling Walls Lab Tbilisi“, რომელიც სტუდენტებსა და ახალგაზრდა პროფესიონალებს შესაძლებლობას აძლევს საკუთარი ინოვაციური იდეები საერთაშორისო აუდიტორიას წარუდგინონ.

Falling Walls Lab წარმოადგენს საერთაშორისო პლატფორმას, რომელიც ახალგაზრდა მკვლევრებს, ინოვატორებსა და პროფესიონალებს აერთიანებს. მონაწილეები საკუთარ იდეებს 3-წუთიანი პრეზენტაციის ფორმატში წარადგენენ და უპასუხებენ მთავარ შეკითხვას - „რომელი ბარიერის გადალახვას ემსახურება თქვენი იდეა?“

კონკურსში მონაწილეობა შეუძლიათ სტუდენტებსა და ადრეული კარიერული ეტაპის პროფესიონალებს სხვადასხვა სფეროდან. განაცხადის წარდგენა შესაძლებელია ინდივიდუალურად და ინგლისურ ენაზე.

გამარჯვებულებს შესაძლებლობა ექნებათ მონაწილეობა მიიღონ „Falling Walls“ სამეცნიერო სამიტში, რომელიც ბერლინში გაიმართება. ფინალისტები საერთაშორისო მეცნიერებისა და ინოვაციების სფეროს წარმომადგენლებს საკუთარ იდეებს გლობალურ სცენაზე წარუდგენენ.

როდის: 20 ივნისი, 2026, 16:00
სად: Publica by Arthouse, Georgian - სახვითი ხელოვნების მუზეუმი (რუსთაველის გამზ. 7, თბილისი)
განაცხადის წარდგენის ბოლო ვადა: 22 მაისი, 2026

შენიშვნა: ღონისძიება გაიმართება ინგლისურ ენაზე. პრეზენტაციებიც წარმოდგენილი უნდა იყოს ინგლისურად.

დამატებითი ინფორმაცია

• აპლიკაციის ფორმა: განაცხადის შევსება
• ღონისძიების შესახებ: Facebook Event
• წინა წლის გამარჯვებულის ვიდეო: YouTube Video
• ხშირად დასმული შეკითხვები: FAQ