ახალი სასწავლო წელი დაიწყო

22 სექტემბერს წმ. ანდრიას ქართულ უნივერსიტეტში 2026-2027 სასწავლო წელი დაიწყო.

ახალი სასწავლო წლის პირველ დღეს უნივერსიტეტმა პირველკურსელებს უმასპინძლა. სტუდენტებს მიესალმნენ უნივერსიტეტის რექტორი, სკოლების დეკანები, აკადემიური პერსონალი, სტუდენტური თვითმმართველობის პრეზიდენტი და წარმომადგენლები.

საინფორმაციო და საორიენტაციო შეხვედრის ფარგლებში პირველკურსელები გაეცნენ სასწავლო პროცესის ძირითად საკითხებს, უნივერსიტეტის გარემოს, სტუდენტურ სერვისებსა და სხვადასხვა აქტივობაში ჩართულობის შესაძლებლობებს.

შეხვედრის მიზანი იყო პირველკურსელებისთვის უნივერსიტეტში სწავლის დაწყებასთან დაკავშირებული მნიშვნელოვანი ინფორმაციის მიწოდება და მათი ადაპტაციის ხელშეწყობა.

ვულოცავთ პირველკურსელებს სტუდენტური ცხოვრების დაწყებას და უნივერსიტეტის ყველა სტუდენტს წარმატებულ 2026-2027 სასწავლო წელს ვუსურვებთ.