ცხადდება კონკურსი იურიდიულ კლინიკაში სტუდენტური პრაქტიკის გასავლელად

წმ. ანდრიას ქართულ უნივერსიტეტში ცხადდება კონკურსი იურიდიულ კლინიკაში სტუდენტური პრაქტიკის გასავლელად.

კონკურსის ფარგლებში შეირჩევა არაუმეტეს 5 სტუდენტი. პრაქტიკის განმავლობაში სტუდენტები იმუშავებენ რეალურ სამართლებრივ საქმეებზე, მოამზადებენ შესაბამის დოკუმენტაციას და გაივლიან პრაქტიკულ მომზადებას. პროცესში ჩართული იქნება პროფესორი, ადვოკატი შალვა ქურდაძე.

სამიზნე ჯგუფი:

კონკურსში მონაწილეობა შეუძლიათ სამართლის საბაკალავრო პროგრამის II-IV კურსის სტუდენტებსა და სამართლის სამაგისტრო პროგრამის აქტიური სტატუსის მქონე სტუდენტებს.

შესარჩევი კრიტერიუმები:

• მაღალი აკადემიური მოსწრება (GPA);

• მოტივაცია და პასუხისმგებლობის მაღალი გრძნობა;

• საპროცესო და მატერიალური სამართლის საბაზისო ცოდნა.

განაცხადის მიღების წესი:

კონკურსში მონაწილეობის მსურველმა უნდა შეავსოს ონლაინ განაცხადის ფორმა.

შერჩევის ეტაპები:

• განაცხადების გადარჩევა;

• გასაუბრება.

ვადები:

• განაცხადების მიღება: 22 სექტემბრიდან 2 ოქტომბრის ჩათვლით;

• გასაუბრება: 3-4 ოქტომბერი.