საინფორმაციო-პრაქტიკული სემინარი მაგისტრანტებისთვის

19 ნოემბერს, ხუთშაბათს, 17:00 საათზე, წმ. ანდრია პირველწოდებულის სახელობის ქართულ უნივერსიტეტში, სამეცნიერო კვლევებისა და განვითარების სამსახურის ორგანიზებით, გაიმართება მაგისტრანტებისთვის განკუთვნილი საინფორმაციო-პრაქტიკული სემინარი „სამაგისტრო ნაშრომი: კვლევის დაგეგმვიდან საჯარო დაცვამდე“.

სემინარის მიზანია მაგისტრანტების გაცნობა უნივერსიტეტში მოქმედ წესებსა და მოთხოვნებთან, რომლებიც ეხება სამაგისტრო ნაშრომის მომზადებას, წარდგენასა და საჯარო დაცვას.

შეხვედრაზე განხილული იქნება:

• სამაგისტრო ნაშრომის თემისა და სამეცნიერო ხელმძღვანელის დამტკიცების პროცედურები;
• ნაშრომზე მუშაობის ძირითადი ეტაპები და ვადები;
• ნაშრომის სავალდებულო სტრუქტურა და გაფორმების მოთხოვნები;
• აკადემიური წყაროების დამოწმების წესები;
• კვლევის მიზნის, საკვლევი კითხვების, ჰიპოთეზისა და შესაბამისი კვლევის მეთოდების განსაზღვრა;
• ნაშრომის რეცენზირების, საჯარო დაცვისა და შეფასების პროცედურები.

სემინარი მაგისტრანტებს დაეხმარება უნივერსიტეტის მოთხოვნების სწორად გააზრებაში, სამაგისტრო ნაშრომზე მუშაობის ეფექტიანად დაგეგმვასა და წარმატებული საჯარო დაცვისთვის საჭირო მნიშვნელოვანი საკითხების გათვალისწინებაში.

თარიღი: 19 ნოემბერი, ხუთშაბათი
დრო: 17:00
ადგილი: წმ. ილია მართლის სახელობის საკონფერენციო დარბაზი (I კორპ. IV სართ.)