გადასვლა ძირითად შიგთავსზე
მენიუ

შეხვედრა Campus Lions Club Tbilisi-ის წარმომადგენლებთან

27 თებერვალი 2019

Lions Clubs International-ის საქართველოს ფილიალის Campus Lions Club Tbilisi (CLCT) წარმომადგენლებმა ერაზმუსის პროექტებში მონაწილეობასთან დაკავშირებით საინფორმაციო შეხვედრა გამართეს
შეხვედრა Campus Lions Club Tbilisi-ის წარმომადგენლებთან

2019 წლის 27 თებერვალს ქართული უნივერსიტეტის წმიდა ილია მართლის სახელობის საკონფერენციო დარბაზში, ამერიკული საერთაშორისო ორგანიზაციის Lions Clubs International-ის საქართველოს ფილიალის Campus Lions Club Tbilisi (CLCT) წარმომადგენელმა რატი ქირიამ, ქართული უნივერსიტეტის სტუდენტებისთვის ერაზმუსის პროექტებში მონაწილეობასთან დაკავშირებით საინფორმაციო შეხვედრა გამართა.

შეხვედრა გახსნა ქართული უნივერსიტეტის რექტორმა, პროფესორმა სერგო ვარდოსანიძემ, რომელმაც შეხვედრის ორგანიზატორებს სტუმრობისა და სტუდენტთა დაინტერესებისთვის მადლობა მოახსენა.

შეხვედრაზე ორგანიზაციის წარმომადგენლებმა სტუდენტებს მიაწოდეს დაწვრილებითი ინფორმაცია ერასმუსის პროგრამაზე განსაზღვრული შემდეგი თავისუფალი სამუშაო პოზიციების შესახებ: პროექტის მენეჯერი, სოციალური მედიის მენეჯერი, გრაფიკული დიზაინერი.

პროექტის მენეჯერის პოზიციის დასაკავებლად სასურველია ანალოგიურ პოზიციაზე სამუშაო გამოცდილების ქონა, თუმცა ენთუზიაზმით სავსე ახალგაზრდები, რომლებიც აკმაყოფილებენ მინიმალურ მოთხოვნებს განხილული იქნებიან ამ პოზიციაზე.

სოციალური მედიის მენეჯერის პოზიციას დაიკავებს კრეატიული ადამიანი, რომელსაც აქვს ტექსტური მედიის საშუალებით ინფორმაციის გაზიარების საუკეთესო შემოქმედებითი უნარ ჩვევები.

გრაფიკული დიზაინერის პოზიციაზე კი აუცილებელი მოთხოვნაა, რომ სტუდენტს ჰქონდეს საშუალო ცოდნა ან გამოცდილება გრაფიკული დიზაინის მინიმუმ ერთ პროგრამაში. (Adobe Photoshop, Illustrator, Affinity Photo, Sketch, GIMP ან სხვა).

Campus Lions Club Tbilisi (CLCT) მისია საქართველოში საქველმოქმედო და საგანმანათლებლო პროექტების აქტიური განხორციელებაა. 2013 წლიდან დღემდე ორგანიზაციამ არა ერთი მნიშვნელოვანი და მასშტაბური ღონისძიება განახორციელა.
ორგანიზაციის გადაწყვეტილებით 2018 წლიდან CLCT აქტიურად ჩაერთვება ერასმუსის საგანმანათლებლო პროექტებში.

აღნიშნულიდან გამომდინარე, ორგანიზაციაში იგეგმება რამდენიმე სამუშაო პოზიციის დამატება, რაც მოიაზრებს ახალი წევრების მიღებას. წევრების შერჩევა მოხდება უშუალოდ ქართული უნივერსიტეტის სტუდენტებიდან. შერჩეულ წევრებს მიეცემათ შანსი უფასოდ მიიღონ მონაწილეობა უცხოეთში გამართულ სხვადასხვა ტრეინენგებსა და პროექტებში.

გაზიარება

მსგავსი სიახლეები

შეხვედრა მაგისტრანტებთან სამაგისტრო ნაშრომის მომზადების საკითხებზე

შეხვედრა მაგისტრანტებთან სამაგისტრო ნაშრომის მომზადების საკითხებზე

მაგისტრანტებისთვის გამართულ საინფორმაციო შეხვედრაზე სამაგისტრო კვლევის დაგეგმვის, ნაშრომის მომზადებისა და დაცვის მოთხოვნები და პრაქტიკული რეკომენდაციები განიხილ...
დაჩი მხეიძე სტუდენტური მობილობით ბრნოს ტექნოლოგიურ უნივერსიტეტში იმყოფება

დაჩი მხეიძე სტუდენტური მობილობით ბრნოს ტექნოლოგიურ უნივერსიტეტში იმყოფება

წმ. ანდრიას ქართული უნივერსიტეტის კომპიუტერული მეცნიერების საბაკალავრო პროგრამის სტუდენტი დაჩი მხეიძე 2026-2027 სასწავლო წლის შემოდგომის სემესტრს ბრნოს ტექნოლოგ...
წმ. ანდრიას ქართული უნივერსიტეტის გუნდმა ქუჩის ფეხბურთის ტურნირზე მეორე ადგილი დაიკავა

წმ. ანდრიას ქართული უნივერსიტეტის გუნდმა ქუჩის ფეხბურთის ტურნირზე მეორე ადგილი დაიკავა

საქართველოს უნივერსიადა 2026-ის ფარგლებში გამართულ ქუჩის ფეხბურთის ტურნირზე წმ. ანდრიას ქართული უნივერსიტეტის გუნდმა მეორე ადგილი დაიკავა.

მთარგმნელ-თარჯიმანთა უმაღლესი სკოლა

მეტის ნახვა

სწავლის შეღავათიანი პირობები

მეტის ნახვა

მასწავლებლის მომზადების 60 კრედიტიანი პროგრამა

მეტის ნახვა