იწყება პროექტი - „მე ექსპერიმენტატორი“

2025 წლის 17 თებერვლიდან, წმ. ანდრიას ქართული უნივერსიტეტი იწყებს პროექტის "მე ექსპერიმენტატორი" განხორციელებას, რომელიც მიზნად ისახავს საბუნებისმეტყველო მეცნიერებების, კერძოდ კი ფიზიკის პოპულარიზაციას სკოლებში. პროექტი ხორციელდება შოთა რუსთაველის საქართველოს ეროვნული სამეცნიერო ფონდის საგრანტო დაფინანსებით. 

სამიზნე აუდიტორია:

• საჯარო და კერძო სკოლების VII-XII კლასის მოსწავლეები.

პროექტის აქტივობები:

• უნივერსიტეტის ფიზიკის ლაბორატორიის მონახულება.
• უნივერსიტეტის პერსონალის მიერ სადემონსტრაციო ექსპერიმენტების ჩატარება.
• მოსწავლეების მიერ ექსპერიმენტებში აქტიური მონაწილეობა.
• უნივერსიტეტის ინფრასტრუქტურისა და საგანმანათლებლო პროგრამების გაცნობა.
• გამასპინძლება უნივერსიტეტის კაფეტერიაში.

პროექტის განხორციელების პერიოდი: 15 თებერვლიდან 30 მაისის ჩათვლით; ყოველ სამშაბათს (15:00 - 18:00 სთ.), ხუთშაბათს და პარასკევს (14:00 - 17:00 სთ.)

მაქსიმალური რაოდენობა თითო ვიზიტზე: 20 მოსწავლე; ყველა მონაწილეს გადაეცემა სერტიფიკატი.

პროექტში მონაწილეობისათვის და ვიზიტის თარიღის დასაჯავშნად აუცილებელია წინასწარი რეგისტრაციის გავლა მითითებულ ბმულზე.

პროექტის მიზანია, რომ მოსწავლეებმა უშუალოდ ნახონ ის სამეცნიერო ექსპერიმენტები, რომლებმაც მნიშვნელოვანი როლი ითამაშეს ფიზიკის განვითარებაში და ადგილზე გაეცნონ გამოჩენილი ფიზიკოსებისა და მეცნიერების მიერ ჩატარებულ ექსპერიმენტებს. გარდა ამისა, მათ ექნებათ შესაძლებლობა, თავად ჩაატარონ მარტივი ექსპერიმენტები და შეაფასონ შედეგები.