ესეების კონკურსი სტუდენტებისთვის

კონკურსის თემატიკა

• უმაღლესი განათლების გავლენა ადამიანის პიროვნულ განვითარებაზე;
• ვირტუალური რეალობისა (Virtual Reality, VR) და გაძლიერებული (Augmented Reality, AR) რეალობის როლი განათლებაში;
• სტუდენტების როლი უმაღლესი განათლების ხარისხის უზრუნველყოფაში.

კონკურსის პირობები

• საკონკურსო ესე უნდა ეხებოდეს ზემოთ ჩამოთვლილი თემებიდან ერთ-ერთს;
• ესე უნდა აკმაყოფილებდეს არგუმენტირებული ესეს კრიტერიუმებს საჭიროების შემთხვევაში, შეიცავდეს ციტირებებს და ერთვოდეს გამოყენებული ლიტერატურის სია;
• ტექსტი წარმოდგენილი უნდა იყოს ვორდის დოკუმენტში, ქართულ ენაზე;
• შრიფტი: Sylfaen;
• შრიფტის ზომა: 11;
• ინტერვალი: 1.15;
• ესეს მოცულობა: 8-12 გვერდი;
• მინდორი: ზევით-ქვევით - 2 სმ; მარჯვნივ-მარცხნივ - 2,5 სმ;
• ტექსტის ბოლოს მითითებული უნდა იყოს აპლიკანტის სახელი და გვარი, საკონტაქტო ტელეფონის ნომერი, ელ-ფოსტა, საგანმანათლებლო პროგრამა;
• კონკურსის მონაწილეს შეუძლია წარადგინოს მხოლოდ ერთი ნამუშევარი;
• ესეები უნდა გამოიგზავნოს შემდეგ ელექტრონულ მისამართზე: projects@sangu.edu.ge (მიუთითეთ სახელი, გვარი და პირადი ნომერი) ;
• შეტყობინების სათაურში (subject-ველი) მიუთითეთ „ესეების კონკურსი სტუდენტებისათვის“;
• პლაგიატის დადგენის შემთხვევაში ესე მოიხსნება კონკურსიდან;
• კონკურსში მონაწილეობა შესაძლებელია SANGU-ს ბაკალავრიატის, მაგისტრატურის, დოქტორანტურისა და მასწავლებლის მომზადების 60 კრედიტიანი; პროგრამის აქტიური სტატუსის მქონე სტუდენტებისთვის. 

ესეს სტრუქტურა:

• სათაური;
• შესავალი (საკითხის ირგვლივ არსებული მდგომარეობის ზოგადი ანალიზი);
• ძირითადი ნაწილი, თეზისის წარდგენა (ავტორის შეხედულების ჩამოყალიბება და არგუმენტებით გამყარება);
• დასკვნა (მსჯელობის შეჯამება);
• გამოყენებული ლიტერატურის სია;
• გამოყენებული ლიტერატურა დაიმოწმეთ ტექსტში ან გამოიტანეთ სქოლიოს სახით გვერდის ბოლოს.

შეფასებისას მხედველობაში იქნება მიღებული შემდეგი კრიტერიუმები:

• საკითხის სიღრმისეული გააზრება;
• დამუშავებული რელევანტური ლიტერატურა;
• განხილული მაგალითები, ლოგიკური მსჯელობა, ანალიზი, არგუმენტირება;
• ესეს სტრუქტურა;
• აკადემიური წერის სტილის დაცვა;
• ესეს ინოვაციურობა.

კონკურსის ეტაპები

• ესეს მიღება: 2021 წლის 6 დეკემბრიდან 24 დეკემბრის ჩათვლით;
• საკონკურსო კომისიის მუშაობა: 25 – 29 დეკემბერი;
• საუკეთესო ესეების გამოვლენა: 30 დეკემბერი.

საკონკურსო ადგილები და პრიზები
კონკურსის შედეგად გამოვლენილი სამი საუკეთესო ესეს ავტორს გადაეცემა სერტიფიკატი და ფულადი ჯილდო:

• I ადგილი - 1000 ლარი;
• II ადგილი - 700 ლარი;
• III ადგილი - 500 ლარი.

დამატებითი კითხვების შემთხვევაში, გთხოვთ, მოგვწეროთ ელ-ფოსტაზე projects@sangu.edu.ge