პროფესიული მასტერკლასი კომპიუტერული მეცნიერების სტუდენტებისთვის
2025 წლის 26 მარტს, 14:00 საათზე, წმ. ანდრიას ქართული უნივერსიტეტის დასაქმებისა და კარიერული განვითარების სამმართველოს ორგანიზებით ჩატარდა პროფესიული მასტერკლასი კომპიუტერული მეცნიერების სტუდენტებისთვის.
მასტერკლასს ხელმძღვანელობდა ანა ანდღულაძე – კარიერული კონსულტანტი ტექნოლოგიურ სფეროში, DataArt-ის (წამყვანი საერთაშორისო პროგრამული უზრუნველყოფის ინჟინერიის ფირმა) Senior Tech Talent Acquisition Manager.
ღონისძიების ფარგლებში განხილული იყო შემდეგი მნიშვნელოვანი საკითხები:
- LinkedIn-სა და რეზიუმეს ოპტიმიზაცია კარიერული წინსვლისთვის;
- IT მიმართულებით კარიერული თვითგანვითარების ინსტრუმენტები;
- AI ხელსაწყოების გამოყენება სამუშაოს ძიების პროცესში;
- საერთაშორისო დასაქმების ბაზარზე შერჩევის პროცესი;
- გასაუბრებისა და სახელფასო მოლაპარაკების წარმართვის სტრატეგიები.
მასტერკლასი ჩატარდა ინტერაქტიულ ფორმატში – სტუდენტებს ჰქონდათ შესაძლებლობა დაესვათ კითხვები, მიეღოთ პრაქტიკული რჩევები და გაცნობოდნენ თანამედროვე ტექნოლოგიური ბაზრის მოთხოვნებს.
ღონისძიება მიზნად ისახავდა სტუდენტების კარიერული განვითარებისა და შრომის ბაზარზე წარმატებული ინტეგრაციის ხელშეწყობას.
მსგავსი სიახლეები
შეხვედრა მაგისტრანტებთან სამაგისტრო ნაშრომის მომზადების საკითხებზე
მაგისტრანტებისთვის გამართულ საინფორმაციო შეხვედრაზე სამაგისტრო კვლევის დაგეგმვის, ნაშრომის მომზადებისა და დაცვის მოთხოვნები და პრაქტიკული რეკომენდაციები განიხილ...
დაჩი მხეიძე სტუდენტური მობილობით ბრნოს ტექნოლოგიურ უნივერსიტეტში იმყოფება
წმ. ანდრიას ქართული უნივერსიტეტის კომპიუტერული მეცნიერების საბაკალავრო პროგრამის სტუდენტი დაჩი მხეიძე 2026-2027 სასწავლო წლის შემოდგომის სემესტრს ბრნოს ტექნოლოგ...
