შეხვედრა McDonald’s Georgia-ს წარმომადგენლებთან: დასაქმება და კარიერული შესაძლებლობები

SANGU-ს სტუდენტებისთვის, დასაქმებისა და კარიერული განვითარების სამმართველოს ორგანიზებით, გაიმართება შეხვედრა McDonald’s Georgia-ს წარმომადგენლებთან.

შეხვედრა ჩატარდება 13 ოქტომბერს, 15:00 საათზე, ილია მართლის სახელობის საკონფერენციო დარბაზში.

სტუდენტები გაეცნობიან McDonald’s Georgia-ში არსებულ დასაქმების შესაძლებლობებს, მათ შორის სტუდენტებზე მორგებულ სამუშაო პირობებს, მოქნილ გრაფიკს, ანაზღაურებას, ბენეფიტებსა და პროფესიული განვითარების შესაძლებლობებს.

ღონისძიების ფარგლებში განხილული იქნება დასაქმების პროცესთან დაკავშირებული პრაქტიკული საკითხები:

• როგორ მოემზადოთ გასაუბრებისთვის;

• როგორ წარმოაჩინოთ საკუთარი ძლიერი მხარეები;

• რას მიაქციოთ ყურადღება რეზიუმეს მომზადებისას;

• რა უნდა გაითვალისწინოთ პირველი ინტერვიუს დროს.

შეხვედრის მიზანია სტუდენტებისთვის პრაქტიკული ინფორმაციის მიწოდება როგორც McDonald’s Georgia-ში დასაქმების შესაძლებლობების, ისე ზოგადად კარიერული დაგეგმვისა და სამუშაოს ძიების პროცესის შესახებ.

შეხვედრაზე დასასწრებად, გთხოვთ, გაიაროთ წინასწარი რეგისტრაცია.

გთხოვთ, გაითვალისწინოთ, რომ ადგილები შეზღუდულია.