ცხადდება ღია კონკურსი ქართული ფილოლოგიის მიმართულებით

ქართული ფილოლოგიის მიმართულებით აკადემიური პერსონალის არჩევის მიზნით, ცხადდება ღია კონკურსი ასისტენტის ერთ აკადემიურ თანამდებობაზე. 

კონკურსში მონაწილეთა მიერ დოკუმენტაციის წარმოდგენის და მათი რეგისტრაციის ვადა: 2022  წლის 21-22 ნოემბერი,  მისამართზე: ქ. თბილისი, ილია ჭავჭავაძის გამზირი № 53ა, საქმისწარმოებისა და ადამიანური რესურსების მართვის სამსახურში, პირველი კორპუსი (ოთახი N104), 11:00 საათიდან – 17:00 საათამდე.

კონკურსანტთა მიერ წარმოდგენილი განცხადებების განხილვა, კონკურსანტთა შეფასება და გადაწყვეტილების მიღება: 2022 წლის 24 ნოემბრიდან. შედეგები გამოქვეყნდეს არაუგვიანეს 9 დეკემბრისა.

ასისტენტის თანამდებობაზე უმაღლესი განათლების შესახებ კანონის თანახმად შეიძლება არჩეულ იქნეს დოქტორანტი.

კანდიდატთა მონაცემების განხილვისას მხედველობაში მიიღება კანდიდატის მიღწევები საგანმანათლებლო და სამეცნიერო-კვლევითი მიმართულებით, რაც შესაძლებელია შეფასდეს და დადასტურდეს შემდეგით:

1. სამეცნიერო ნაშრომები, სამეცნიერო სტიპენდიები და გრანტები, მიღებული ბოლო 5 წლის განმავლობაში და სხვა სამეცნიერო აქტივობები;
2. სამეცნიერო კონფერენციებსა და პროფესიული განვითარების ღონისძიებებში მონაწილეობა ბოლო 5 წლის განმავლობაში;
3. საერთაშორისო თანამშრომლობა და საქმიანობა აკადემიური და სამეცნიერო-კვლევითი მიმართულებით;
4. წარმოდგენილი სამოტივაციო წერილი;
5. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
6. სამეცნიერო ნაშრომი/პროექტი/კვლევა, რომელიც, კონკურსანტის აზრით, უკეთ წარმოაჩენს მის სამეცნიერო პოტენციალს;
7. კონკრეტული ვაკანტური თანამდებობისთვის განსაზღვრული სხვა სპეციფიკური მოთხოვნები (არსებობის შემთხვევაში).

ასისტენტის თანამდებობაზე პროფესიული ნიშნით შეიძლება აირჩეს არანაკლებ მაგისტრის ან მასთან გათანაბრებული აკადემიური ხარისხის მქონე პირი, რომელსაც:

1. აქვს საკონკურსო ვაკანტური თანამდებობისათვის გათვალისწინებულ შესაბამის დარგში მუშაობის არანაკლებ 2 წლიანი გამოცდილება;
2. სასურველია, ჰქონდეს შესაბამისი მიმართულებით პრაქტიკული ხასიათის ან კვლევით პროექტში/პროექტებში ჩართულობის გამოცდილება ან/და გამოქვეყნებული ჰქონდეს სამეცნიერო პუბლიკაცია/პუბლიკაციები;
3. აკმაყოფილებს რექტორის ბრძანებით კონკრეტული ვაკანტური თანამდებობისთვის განსაზღვრულ სხვა სპეციფიკურ მოთხოვნებს (ასეთის არსებობის შემთხვევაში).

სხვა სპეციფიკური მოთხოვნები: სასურველია ჰქონდეს გამოყენებითი ენათმეცნიერების მიმართულებით მნიშვნელოვან პროექტებსა თუ კვლევებში მუშაობის  გამოცდილება.     

საკონკურსოდ წარმოსადგენი დოკუმენტაცია:

1. შევსებული განცხადება საკონკურსო კომისიის სახელზე;
2. ავტობიოგრაფია -CV, (ელექტრონული და ბეჭდვითი ფორმით);
3. შევსებული კონკურსანტის ანკეტა (ელექტრონული და ბეჭდვითი ფორმით);
4. პირადობის დამადასტურებელი მოწმობის ასლი;
5. ერთი ფოტოსურათი, ზომით 3×4;
6. შესაბამისი აკადემიური ხარისხის მინიჭების დამადასტურებელი დოკუმენტის/დოკუმენტების ასლები ნოტარიულად დამოწმებული; (ელექტრონული და ბეჭდვითი ფორმით)
7. სტიპენდიების, გრანტების, სხვა სამეცნიერო აქტივობების დამადასტურებელი დოკუმენტაცია;(ბოლო 5 წლის)
8. კონფერენციებსა და პროფესიული განვითარების ღონისძიებებში მონაწილეობის დამადასტურებელი დოკუმენტაცია;(ბოლო 5 წლის)
9. შესაბამისი მიმართულებით საერთაშორისო თანამშრომლობისა და საქმიანობის შესახებ დამადასტურებელი დოკუმენტაცია;
10. შესაბამისი პროგრამული მიმართულების განვითარების ხედვა;
11. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
12. სამეცნიერო ნაშრომი/პროექტი/კვლევა;
13. შესაბამის დარგში მუშაობის გამოცდილების შესახებ დოკუმენტაცია, პრაქტიკული ხასიათის ან კვლევით პროექტში ჩართულობის გამოცდილების შესახებ დოკუმენტაცია, ან/და გამოქვეყნებული სამეცნიერო პუბლიკაცია/პუბლიკაციები.
14. ინგლისური ენის ცოდნის დამადასტურებელი სერთიფიკატი;(არსებობის შემთხვევაში)
15. სხვა სპეციფიური მოთხოვნების დამადასტურებელი დოკუმენტაცია;(არსებობის შემთხვევაში)
16. უცხოეთში მიღებული განათლების/კვალიფიკაციის დამადასტურებელ დოკუმენტებს (ასეთის არსებობის შემთხვევაში) თან უნდა ახლდეს ნოტარიულად დამოწმებული ქართულენოვანი თარგმანი და სსიპ განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი;
17. შესაბამისი უფლებამოსილი ორგანოდან წარმოდგენილი ცნობა ნასამართლობის შესახებ და ასევე, ცნობა უფლების ჩამორთმევის შესახებ;

მიმაგრებული დოკუმენტები:

• კონკურსანტის ანკეტა
• კონკურსანტის განცხადება
• კონკურსის ჩატარების წესი