Erasmus+ პროგრამის ფარგლებში დაფინანსებული გაცვლითი პროგრამები სტუდენტებისათვის
წმ. ანდრიას ქართული უნივერსიტეტი აცხადებს კონკურსს სტუდენტებისათვის საერთაშორისო მოკლევადიანი მობილისათვის. მობილობა დაფინანსებულია Erasmus+ საერთაშორისო გაცვლითი პროგრამის ფარგლებში, ნეაპოლის უნივერსიტეტში 2026-2027 აკადემიური წლის შემოდგომის სემესტრისთვის.
კონკურსში მონაწილეობის მიღება შეუძლიათ საბაკალავრო და სამაგისტრო საფეხურის სტუდენტებს ქართული ფილოლოგიის, საქართველოს ისტორიისა და ისტორიის მიმართულებებიდან.
მობილობა გულისხმობს მასპინძელ უნივერსიტეტში ერთი სემესტრის გატარებას და პროგრამის ხელმძღვანელთან, დეკანატთან და ხარისხის უზრუნველყოფისა და სტრატეგიული განვითარების სამსახურთან შეთანხმებით, შერჩეული საგნების გავლას. შეთავაზებული კურსების ჩამონათვალი იხილეთ ბმულზე: კურსების ჩამონათვალი
რეგისტრაციის ბმული
მონაწილეობის პირობა:
- სტუდენტს დასრულებული უნდა ჰქონდეს საბაკალავრო საფეხურის პირველი წელი;
- სტუდენტისთვის 2026-2027 აკადემიური წლის შემოდგომის სემესტრი არ უნდა წარმოადგენდეს პროგრამის სწავლების ბოლო, დამამთავრებელ სემესტრს;
- კონკურსში რეგისტრაციამდე კურსების ჩამონათვალი უნდა შეათანხმოთ პროგრამის ხელმძღვანელთან, დეკანატთან და ხარისხის უზრუნველყოფისა და სტრატეგიული განვითარების სამსახურთან.
საბუთების მიღების ბოლო ვადაა: 2026 წლის 15 მაისი.
მოთხოვნილი საბუთები:
- პირადობის დამადასტურებელი კანონმდებლობით გათვალისწინებული დოკუმენტის - პასპორტის ასლი (pdf ვერსია);
- CV-ს ევროპული ფორმატი ინგლისურ ენაზე (pdf ვერსია);
- ცნობა უნივერსიტეტიდან სტუდენტის სტატუსის შესახებ;
- აკადემიური მოსწრების დამადასტურებელი ცნობა (პირველსემესტრელი მაგისტრების შემთხვევაში წარმოსადგენია წინა საფეხურის აკადემიური მოსწრების ცნობა);
- სამოტივაციო წერილი არაუმეტეს ერთი გვერდისა ინგლისურ ენაზე (pdf ვერსია);
- ინგლისური ენის მინიმუმ B2 დონის დამადასტურებელი დოკუმენტი (საერთაშორისოდ აღიარებული სერთიფიკაცი/უნივერსიტეტის ენების ცენტრის მიერ გაცემული B2 დონის დამადასტურებელი დოკუმენტი ინგლისურ ენაზე (pdf ვერსია);
- სარეკომენდაციო წერილი აკადემიური პერსონალისგან;
- სსსმ/შშმ პირის სტატუსის დამადასტურებელი ოფიციალური ცნობა/დოკუმენტი (არსებობის შემთხვევაში (pdf ვერსია);
- წერილობითი დასტური საგნების შესაბამისობის შესახებ;
- სტუდენტის ინფორმირებული თანხმობა.
შერჩევის პროცედურა:
- საბუთების გადარჩევა და შეფასება კომისიის მიერ;
- გასაუბრება კომისიის წინაშე;
შერჩევის ძირითადი კრიტერიუმებია:
- აკადემიური მოსწრება/GPA;
- მოტივაცია;
- ინგლისური ენის ფლობა;
- პრეზენტაცია.
შერჩეული კანდიდატები იქნებიან ნომინირებული მასპინძელ უნივერსიტეტში და შემდგომი პროცედურების წარმართვა მოხდება მიმღები უნივერსიტეტის მხრიდან.
დამატებითი ინფორმაციისა და კითხვებისათვის გამოიყენეთ შემდეგი ელ. ფოსტა: iro@sangu.edu.ge
