ცხადდება ღია კონკურსი

ცხადდება ღია კონკურსი

აკადემიური პერსონალის არჩევის მიზნით, ცხადდება ღია კონკურსი ა(ა)იპ „საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში“:

• ასოცირებული პროფესორის ერთ ვაკანტურ აკადემიურ თანამდებობაზე განათლების მეცნიერების  მიმართულებით (აფილირების პირობით);

კონკურსში მონაწილეთა მიერ დოკუმენტაციის წარმოდგენის და მათი რეგისტრაციის ვადაა 2026 წლის 11 სექტემბერი. მისამართი: ქ. თბილისი, ილია ჭავჭავაძის გამზირი № 53ა, საქმისწარმოებისა და ადამიანური რესურსების მართვის სამსახურში, პირველი კორპუსი (ოთახი N104), 11:00 საათიდან – 17:00 საათამდე.

კომისიამ კონკურსის შედეგები უნდა წარმოადგინოს არაუგვიანეს 28 სექტემბრისა.

ასოცირებული პროფესორის აკადემიური თანამდებობის დასაკავებლად ძირითადი მოთხოვნები:

1. ასოცირებული პროფესორის  აკადემიური ვაკანტური თანამდებობის დასაკავებლად განსაზღვრული საკანონმდებლო მოთხოვნაა დოქტორის ან მასთან გათანაბრებული აკადემიური ხარისხი და სამეცნიერო-პედაგოგიური მუშაობის არანაკლებ 3 წლის გამოცდილება;
2. თითოეულ აკადემიურ თანამდებობაზე კანდიდატთა მონაცემების განხილვისას მხედველობაში მიიღება კანდიდატის მიღწევები საგანმანათლებლო და სამეცნიერო-კვლევითი მიმართულებით, რაც შესაძლებელია შეფასდეს და დადასტურდეს შემდეგით:

1. სამეცნიერო ნაშრომები, სამეცნიერო სტიპენდიები და გრანტები, მიღებული ბოლო 5 წლის განმავლობაში და სხვა სამეცნიერო აქტივობები;

2. სამეცნიერო კონფერენციებსა და პროფესიული განვითარების ღონისძიებებში მონაწილეობა ბოლო 5 წლის განმავლობაში;

3. საერთაშორისო თანამშრომლობა და საქმიანობა აკადემიური და სამეცნიერო-კვლევითი მიმართულებით;

4. პროფესორის და ასოცირებული პროფესორის შემთხვევაში, უნივერსიტეტში შესაბამისი პროგრამული მიმართულების განვითარების ხედვა.

5. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;

6. სამეცნიერო ნაშრომი/პროექტი/კვლევა, რომელიც, კონკურსანტის აზრით, უკეთ წარმოაჩენს მის სამეცნიერო პოტენციალს;

7. კონკრეტული ვაკანტური თანამდებობისთვის განსაზღვრული სხვა/დამატებითი სპეციფიკური მოთხოვნები.

3. ასოცირებული პროფესორისთვის განსაზღვრული დამატებითი (სპეციფიკური) მოთხოვნები:
1. განათლების დოქტორის აკადემიური ხარისხი;
2. ინგლისური ენის ცოდნა B2 დონეზე;
3. მასწავლებლის მომზადების ინტეგრირებულ (300 კრედიტიან) საბაკალავრო-სამაგისტრო საგანმანათლებლო პროგრამებისა და მასწავლებლის მომზადების (60 კრედიტიანი) საგანმანათლებლო პროგრამების მომზადებისა და სწავლების არანაკლებ 3 წლიანი გამოცდილება.
4. ბოლო 5 წლის განმავლობაში განათლების მეცნიერებების მიმართულებით საერთაშორისო რეფერირებად/რეცენზირებად სამეცნიერო ჟურნალებში გამოქვეყნებული არანაკლებ 5 სამეცნიერო პუბლიკაცია, რომელიც ინდექსირებულია Scopus ან Web of Science (WoS) ბაზებში.
5. ბოლო 5 წლის განმავლობაში ადგილობრივ (მაგ. შოთა რუსთაველის ეროვნული სამეცნიერო ფონდი) ან საერთაშორისო (Erasmus+, Horizon Europe და ა.შ.) სამეცნიერო/კვლევით პროექტებში მონაწილეობის გამოცდილება, მათ შორის არანაკლებ 1 პროექტის ხელმძღვანელობა;
6. საერთაშორისო სამეცნიერო კონფერენციებში (Scopus/WoS-ის მიერ ორგანიზებულ/ინდექსირებულ) მომხსენებლად მონაწილეობა.

საკონკურსოდ წარმოსადგენი დოკუმენტაცია:

კონკურსში მონაწილეობის მსურველი ვალდებულია საბუთების წარმოდგენის ეტაპზე კომისიას წარმოუდგინოს შემდეგი დოკუმენტაცია:

1. შევსებული განცხადება საკონკურსო კომისიის სახელზე;
2. ავტობიოგრაფია-CV, (ელექტრონული და ბეჭდვითი ფორმით);
3. შევსებული კონკურსანტის ანკეტა (ელექტრონული და ბეჭდვითი ფორმით);
4. პირადობის დამადასტურებელი მოწმობის ასლი;
5. ერთი ფოტოსურათი, ზომით 3×4;
6. შესაბამისი აკადემიური ხარისხის მინიჭების დამადასტურებელი დოკუმენტის/დოკუმენტების ასლები ნოტარიულად დამოწმებული; (ელექტრონული და ბეჭდვითი ფორმით)
7. სტიპენდიების, გრანტების, სხვა სამეცნიერო/კვლევითი აქტივობებისა და საგრანტო პროექტებში მონაწილეობის დამადასტურებელი დოკუმენტაცია;(ბოლო 5 წლის)
8. Scopus-ის ან/და Web of Science-ის ბაზებში ინდექსირებულ ჟურნალებში გამოქვეყნებული სამეცნიერო სტატი(ებ)ის ასლი და ბაზაში ინდექსირების დამადასტურებელი ამონაბეჭდი/ბმული
9. კონფერენციებსა და პროფესიული განვითარების ღონისძიებებში მონაწილეობის დამადასტურებელი დოკუმენტაცია;(ბოლო 5 წლის). კონფერენციის მასალების კრებულის ასლი ან Scopus/WoS ბაზაში კონფერენციის მასალების ინდექსირების დამადასტურებელი ამონაბეჭდი/ბმული.
10. შესაბამისი მიმართულებით საერთაშორისო თანამშრომლობისა და საქმიანობის შესახებ დამადასტურებელი დოკუმენტაცია;
11. შესაბამისი პროგრამული მიმართულების განვითარების ხედვა; -ასოცირებული პროფესორის ვაკანსიისთვის;
12. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
13. სამეცნიერო ნაშრომი/პროექტი/კვლევა;
14. ავტორიზებულ უმაღლეს საგანმანათლებლო დაწესებულებაში პედაგოგიური საქმანობის განხორციელების შესახებ დოკუმენტაცია.
15. ინგლისური ენის ცოდნის დამადასტურებელი დოკუმენტი.
16. დამატებითი საუნივერსიტეტო სპეციფიკური მოთხოვნების დამადასტურებელი დოკუმენტები.
17. უცხოეთში მიღებული განათლების/კვალიფიკაციის დამადასტურებელ დოკუმენტებს (ასეთის არსებობის შემთხვევაში) თან უნდა ახლდეს ნოტარიულად დამოწმებული ქართულენოვანი თარგმანი და სსიპ განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი;
18. შესაბამისი უფლებამოსილი ორგანოდან წარმოდგენილი ცნობა ნასამართლობის შესახებ და ცნობა უფლების ჩამორთმევის შესახებ.

მიმაგრებული დოკუმენტაცია:

• კონკურსანტის ანკეტა
• კონკურსანტის განცხადება
• კონკურსის ჩატარების წესი