გადასვლა ძირითად შიგთავსზე
მენიუ

ინტერვიუ მასწავლებლის მომზადების 60 კრედიტიანი პროგრამის მსმენელ სალომე ნიკოლაიშვილთან

12 თებერვალი 2024

პროგრამაზე სწავლების მეთოდების შესახებ ვრცლად მასწავლებლის მომზადების 60 კრედიტიანი პროგრამის მსმენელის, სალომე ნიკოლაიშვილისგან შეიტყობთ
ინტერვიუ მასწავლებლის მომზადების 60 კრედიტიანი პროგრამის მსმენელ სალომე ნიკოლაიშვილთან

SANGU-ში მასწავლებლის მომზადების 60 კრედიტიანი პროგრამა წარმატებულად ხორციელდება. პროგრამის მსმენელები დარგის პროფესიონალი ლექტორების ჩართულობით, ინოვაციური მეთოდებით თეორიულ სწავლებასთან ერთად თბილისის საჯარო თუ კერძო სკოლებში პრაქტიკულ კომპონენტსაც გადიან. პროგრამის წარმატებას მისი უამრავი კურსდამთავრებული განსაზღვრავს.
პროგრამაზე სწავლების მეთოდების შესახებ უფრო ვრცლად მასწავლებლის მომზადების 60 კრედიტიანი პროგრამის მსმენელის, სალომე ნიკოლაიშვილისგან შეიტყობთ.

სალომე მოგესალმები!
მოგესალმებით.

როგორ გაიგე ქართული უნივერსიტეტის მასწავლებლის მომზადების 60 კრედიტიანი პროგრამის შესახებ და რატომ აირჩიე SANGU პროგრამის გასავლელად?
რამდენიმე წელია ზოგადსაგანმანათლებლო დაწესებულებაში ვმუშაობ და როდესაც გადავწყვიტე მასწავლებლის სტატუსის მიღება, სკოლაში მაძიებლად დარეგისტრირებას ვამჯობინე მასწავლებლის 60 კრედიტიანი პროგრამის გავლა. ამისათვის, რა თქმა უნდა, დავიწყე საუკეთესო სასწავლებლის ძიება და სოციალურ ქსელში ვიპოვე SANGU-ს ბევრი მადლიერი სტუდენტი და უამრავი დადებითი კომენტარი.

როგორ შეაფასებ პროფესორ-მასწავლებლებს და როგორ ფიქრობ, პროგრამის გავლის შემდეგ, გარდა კვალიფიკაციისა კიდევ რა უნარებს შეიძენ?
ვფიქრობ, პროფესორ მასწავლებელთა გუნდი თავისი საქმის მცოდნე და გამოცდილი ადამიანები არიან. პირველივე ლექციაზე დამხვდა სასიამოვნო სასწავლო გარემო და კეთილგანწყობილი ლექტორები.
მიუხედავად იმისა, რომ უკვე ვმუშაობ სკოლაში, ვფიქრობ, მასწავლებელი გამუდმებით უნდა ვითარდებოდეს პროფესიული კუთხით. მასწავლებლის კომპეტენციის ამაღლება და პროფესიული განვითარება, სწავლა-სწავლების ხარისხის ამაღლებას ნიშნავს, რაც მოსწავლეთა შედეგებზე დადებითად აისახება. რა თქმა უნდა, ცოდნა, რომელიც SANGU-ში მივიღე, ჩემი როგორც პედაგოგის განვითარებას შეუწყობს ხელს, რათა დავნერგო კლასებში სწავლა-სწავლების ახალი მეთოდები, ასევე უფრო სიღრმისეულად გავიგო კანონით განსაზღვრული მასწავლებლის უფლებები და მოვალეობები.
რას გვეტყვი სასწავლო პროცესის შესახებ, გრაფიკი ითვალისწინებს სტუდენტთა მოთხოვნებს?
ძალიან კმაყოფილი ვარ გრაფიკით რომელიც უნივერსიტეტემა შემომთავაზა, რადგან მომცა არჩევანის უფლება ისე გამენაწილებინა ლექციები, რომ მუშაობაში ხელი არ შემშლოდა.

მოქმედი მასწავლებელი ხარ, თუმცა პროგრამაში ჩადებულია პრაქტიკული კომპონენტიც, ალბათ, ჩართული ხარ ამ პროცესშიც?
დიახ, ჩართული ვარ იმდენად, რამდენადაც უკვე ვმუშაობ ზოგადსაგანმანათლებლო დაწესებულებაში, მაგრამ ვფიქრობ, დამწყები მასწავლებლებისთვის, რომლებიც ჯერ არ მუშაობენ ამ სფეროში, სწავლების პრაქტიკული კომპონენტი ყველაზე მნიშვნელოვანი ნაწილია, რათა მიღებული ცოდნა უკვე საკლასო ოთახში, მოსწავლეების პირისპირ გამოიყენონ. ძალიან კომფორტულია როდესაც შენივე სასწავლებელი გიწყობს ამაში ხელს და გთავაზობს სხვადასხვა სკოლის ბაზაზე შეიძინო ეს გამოცდილება.

რას ურჩევ მათ ვინც პროგრამის გავლას SANGU-ში ფიქრობს?
წმ. ანდრიას ქართული უნივერსიტეტის არჩევით, მასწავლებლობის მსურველები კომფორტულ და სტუდენტზე ორიენტირებულ გარემოში მოხვდებიან. სასწავლო პროცესში იგრძნობა ლექტორების მხარდაჭერა და ხელშეწყობა. ისინი ყველანაირად ცდილობენ სამ საათიანი ლექციები არ იყოს დამღლელი, რისთვისაც ინტერაქციულ საგაკვეთილო ფორმატს იყენებენ. მათი ლექციები მოიცავს არა მარტო თეორიული მასალის განხილვას, არამედ გამდიდრებულია კონკრეტული მაგალითებით პრაქტიკული გამოცდილებიდან, რითაც სტუდენტები უფრო კარგად იაზრებენ იმ რეალობას, რაც მათ ზოგადსაგანმანათლებლო დაწესებულებაში დახვდებათ.

დიდი მადლობა, წარმატებებს გისურვებთ.
გმადლობთ.

მოამზადა ნინო აბრამიშვილმა
ფოტო: ნუგზარ შონია

გაზიარება

მსგავსი სიახლეები

დაჩი მხეიძე სტუდენტური მობილობით ბრნოს ტექნოლოგიურ უნივერსიტეტში იმყოფება

დაჩი მხეიძე სტუდენტური მობილობით ბრნოს ტექნოლოგიურ უნივერსიტეტში იმყოფება

წმ. ანდრიას ქართული უნივერსიტეტის კომპიუტერული მეცნიერების საბაკალავრო პროგრამის სტუდენტი დაჩი მხეიძე 2026-2027 სასწავლო წლის შემოდგომის სემესტრს ბრნოს ტექნოლოგ...
წმ. ანდრიას ქართული უნივერსიტეტის გუნდმა ქუჩის ფეხბურთის ტურნირზე მეორე ადგილი დაიკავა

წმ. ანდრიას ქართული უნივერსიტეტის გუნდმა ქუჩის ფეხბურთის ტურნირზე მეორე ადგილი დაიკავა

საქართველოს უნივერსიადა 2026-ის ფარგლებში გამართულ ქუჩის ფეხბურთის ტურნირზე წმ. ანდრიას ქართული უნივერსიტეტის გუნდმა მეორე ადგილი დაიკავა.
პროფესორი ირაკლი ბრაჭული თბილისის სახელმწიფო უნივერსიტეტის ოქროს მედლით დაჯილდოვდა

პროფესორი ირაკლი ბრაჭული თბილისის სახელმწიფო უნივერსიტეტის ოქროს მედლით დაჯილდოვდა

წმ. ანდრია პირველწოდებულის სახელობის ქართული უნივერსიტეტის რექტორი, პროფესორი ირაკლი ბრაჭული მეცნიერებისა და ფილოსოფიის განვითარებაში შეტანილი განსაკუთრებული წვ...

მთარგმნელ-თარჯიმანთა უმაღლესი სკოლა

მეტის ნახვა

სწავლის შეღავათიანი პირობები

მეტის ნახვა

მასწავლებლის მომზადების 60 კრედიტიანი პროგრამა

მეტის ნახვა