ცხადდება ღია კონკურსი

ცხადდება ღია კონკურსი

აკადემიური პერსონალის არჩევის მიზნით, ცხადდება ღია კონკურსი ა(ა)იპ „საქართველოს საპატრიარქოს წმიდა ანდრია პირველწოდებულის სახელობის ქართულ უნივერსიტეტში“:

• კომპიუტინგის მიმართულებით ასისტენტ-პროფესორის ორ ვაკანტურ აკადემიურ თანამდებობაზე;
• ფსიქოლოგიის მიმართულებით (ფსიქოდიაგნოსტიკა და კონსულტირება) ასისტენტ-პროფესორის 1 ვაკანტურ აკადემიურ თანამდებობაზე;

კონკურსში მონაწილეთა მიერ დოკუმენტაციის წარმოდგენის და მათი რეგისტრაციის ვადაა 2026 წლის 7 და 8 სექტემბერი. მისამართი: ქ. თბილისი, ილია ჭავჭავაძის გამზირი № 53ა, საქმისწარმოებისა და ადამიანური რესურსების მართვის სამსახურში, პირველი კორპუსი (ოთახი N104), 11:00 საათიდან – 17:00 საათამდე.

კომისიამ კონკურსის შედეგები უნდა წარმოადგინოს არაუგვიანეს 18 სექტემბრისა.

ასისტენტ-პროფესორის აკადემიური თანამდებობის დასაკავებლად ძირითადი მოთხოვნები:

1. ასისტენტ-პროფესორის აკადემიური თანამდებობის დასაკავებლად  დადგენილია საკანონმდებლო მოთხოვნა:  - დოქტორის აკადემიური ან მასთან გათანაბრებული ხარისხი;
2. აკადემიურ თანამდებობაზე კანდიდატთა მონაცემების განხილვისას მხედველობაში მიიღება კანდიდატის მიღწევები საგანმანათლებლო და სამეცნიერო-კვლევითი მიმართულებით, რაც შესაძლებელია შეფასდეს და დადასტურდეს შემდეგით:

1. სამეცნიერო ნაშრომები, სამეცნიერო სტიპენდიები და გრანტები, მიღებული ბოლო 5 წლის განმავლობაში და სხვა სამეცნიერო აქტივობები;

2. სამეცნიერო კონფერენციებსა და პროფესიული განვითარების ღონისძიებებში მონაწილეობა ბოლო 5 წლის განმავლობაში;

3. საერთაშორისო თანამშრომლობა და საქმიანობა აკადემიური და სამეცნიერო-კვლევითი მიმართულებით;

4. ასისტენტ-პროფესორის და ასისტენტის შემთხვევაში - კანდიდატის მიერ წარმოდგენილი სამოტივაციო წერილი;

5. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;

6. სამეცნიერო ნაშრომი/პროექტი/კვლევა, რომელიც, კონკურსანტის აზრით, უკეთ წარმოაჩენს მის სამეცნიერო პოტენციალს;

3. პროფესიული ნიშნით  ასისტენტ-პროფესორის თანამდებობის დასაკავებლად მხედველობაში მიიღება ქვემოთ მოცემული კრიტერიუმები:
1. ასისტენტ-პროფესორის აკადემიურ თანამდებობაზე პროფესიული ნიშნით შეიძლება აირჩეს არანაკლებ მაგისტრის ან მასთან გათანაბრებული აკადემიური ხარისხის მქონე პირი, რომელიც, აკმაყოფილებს არანაკლებ ერთს ქვემოთ მოცემული შემდეგი პირობებიდან:

1. აქვს საკონკურსო ვაკანტური თანამდებობისათვის გათვალისწინებულ შესაბამის დარგში წამყვან თანამდებობაზე მუშაობის ან დარგის შესაბამისი სპეციფიკური სამუშაოს შესრულების არანაკლებ 3 წლიანი გამოცდილება;

2. აქვს უმაღლეს საგანმანათლებლო დაწესებულებაში პედაგოგიური საქმიანობის განხორციელების არანაკლებ 2 წლიანი გამოცდილება;

3. აქვს შესაბამისი მიმართულებით განხორციელებული სამეცნიერო ან პრაქტიკული ხასიათის კვლევით პროექტში/პროექტებში ჩართულობის გამოცდილება ან/და გამოქვეყნებული აქვს სამეცნიერო პუბლიკაცია/პუბლიკაციები;

1. ინფორმაცია და საკომუნიკაციო ტექნოლოგიების/კომპიუტინგის სფერო არანაკლებ 3 წლის პედაგოგიური ან/და პრაქტიკული სწავლების ტექნიკა;
2. პროგრამირების, ვებტექნოლოგიების, მონაცემთა დამუშავების ან ხელოვნური ტექნოლოგიების გამოყენებით თეორიული ცოდნა და პრაქტიკული ტექნიკა;
3. პრაქტიკული/ლაბორატორიული მეცადინეობების დაგეგმილი, განხორციელების და შეფასების უნარი;
4. სასწავლო კურსის სილაბუსის, თემის გეგმის, პრაქტიკული სამუშაოების და შეფასების კრიტერიუმების შემუშავების უნარი;
5. თანამედროვე პროგრამული ინსტრუმენტების გამოყენების ცოდნა;
6. სასწავლო პრაქტიკული პროექტების ხელმძღვანელობა, კონსულტაცია და შეფასების ცოდნა;
7. ინგლისური ენის ცოდნა არანაკლებ B2 დონე;
8. სასურველია პროფესიული პორტფოლიო, GitHub/GitLab რეპოზიტორები, განხორციელებული პროექტების, პუბლიკაციების, სერტიფიკატების ან სხვა დოკუმენტების დამადასტურებელი სერთიფიკატები.

კანდიდატმა უნდა დაადასტუროს კომპტენცია ქვემოთ ჩამოთვლილ არანაკლებ ერთ მიმართულებაში:

1. ვებტექნოლოგიების და სერვერული პროგრამირების მიმართულება - JavaScript/TypeScript ეკოსტემის, Node.js-ის ან სხვა სერვერული ტექნოლოგიების, REST API-ს, მონაცემთა ბაზების დაცვისა და ვიაპლიკაციების არქიტექტურის ტექნიკური ცოდნა;

2. Python, ხელოვნური ინტელექტისა და მანქანური სწავლების მიმართულება - Python-ის, მონაცემთა დამუშავების, ხელოვნური ინტელექტისა და მანქანური სწავლების ძირითადი მეთოდების, ასევე შესაბამისი პროგრამული ინსტრუმენტების გამოყენებისას.

მხოლოდ ფსიქოდიაგნოსტიკა და კონსულირების მიმართულებით კონკურსანტისთვის:

• საბაკალავრო და სამაგისტრო პროგრამების შემუშავებასა და განხორციელებაში მონაწილეობის გამოცდილება;
• ფსიქოდიაგნოსტიკა და კონსულტირების სამაგისტრო საგანმანათლებლო პროგრამით გათვალისწინებული მინიმუმ 3 სასწავლო კურსის გაძღოლის გამოცდილება;
• ფსიქოდიაგნოსტიკა და კონსულტირების სამაგისტრო საგანმანათლებლო პროგრამით გათვალისწინებული მინიმუმ 3 სასწავლო კურსის მასალების შემუშავება/უზრუნველყოფის გამოცდილება;
• პრაქტიკული გამოცდილება ფსიქოკონსულტირებაში;
• ინგლისური ენის ცოდნა არანაკლებ B2 დონეზე

საკონკურსოდ წარმოსადგენი დოკუმენტაცია:

კონკურსში მონაწილეობის მსურველი ვალდებულია საბუთების წარმოდგენის ეტაპზე კომისიას წარმოუდგინოს შემდეგი დოკუმენტაცია:

1. შევსებული განცხადება საკონკურსო კომისიის სახელზე (ფორმა განთავსებულია ვებგვერდზე sangu.edu.ge);
2. ავტობიოგრაფია (CV, ელექტრონული და ბეჭდვითი ფორმით);
3. შევსებული კონკურსანტის ანკეტა ელექტრონულ ვერსიასთან (დისკი ან მეხსიერების ბარათი) ერთად (შესავსები ფორმა განთავსებულია ვებგვერდზე sangu.edu.ge)
4. პირადობის დამადასტურებელი მოწმობის ასლი;
5. ერთი ფოტოსურათი, ზომით 3×4;
6. შესაბამისი აკადემიური ხარისხის მინიჭების დამადასტურებელი დოკუმენტის/დოკუმენტების ასლები ნოტარიულად დამოწმებული; (ფიზიკურად და ელექტრონულად)
7. სტიპენდიების, გრანტების, სხვა სამეცნიერო აქტივობების დამადასტურებელი დოკუმენტაცია;(ბოლო 5 წლის)
8. კონფერენციებსა და პროფესიული განვითარების ღონისძიებებში მონაწილეობის დამადასტურებელი დოკუმენტაცია;(ბოლო 5 წლის)
9. შესაბამისი მიმართულებით საერთაშორისო თანამშრომლობისა და საქმიანობის შესახებ დამადასტურებელი დოკუმენტაცია;
10. სამოტივაციო წერილი;
11. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
12. სამეცნიერო ნაშრომი/პროექტი/კვლევა;
13. შესაბამის დარგში მინიმუმ სამწლიანი მუშაობის გამოცდილების შესახებ დოკუმენტაცია, ან ავტორიზებულ უმაღლეს საგანმანათლებლო დაწესებულებაში პედაგოგიური საქმანობის განხორციელების შესახებ დოკუმენტაცია, (მინიმუმ 2 წელი) ან სამეცნიერო თუ პრაქტიკული ხასიათის პროექტში ჩართულობის გამოცდილების შესახებ დოკუმენტაცია, ან გამოქვეყნებული სამეცნიერო პუბლიკაციები.
14. ინგლისური ენის ცოდნის დამადასტურებელი სერთიფიკატი;(არსებობის შემთხვევაში)
15. უცხოეთში მიღებული განათლების/კვალიფიკაციის დამადასტურებელ დოკუმენტებს (ასეთის არსებობის შემთხვევაში) თან უნდა ახლდეს ნოტარიულად დამოწმებული ქართულენოვანი თარგმანი და სსიპ განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი;
16. საუნივერსიტეტო(სპეციფიკური) მოთხოვნების დამადასტურებელი დოკუმენტები;
17. შესაბამისი უფლებამოსილი ორგანოდან წარმოდგენილი ცნობა ნასამართლობის შესახებ და ასევე, ცნობა უფლების ჩამორთმევის შესახებ;

მიმაგრებული დოკუმენტაცია:

• კონკურსანტის ანკეტა
• კონკურსანტის განცხადება
• კონკურსის ჩატარების წესი