2025 წლის 26 მარტს, წმ. ანდრიას ქართულ უნივერსიტეტში, დასაქმებისა და კარიერული განვითარების სამმართველოს ორგანიზებით, გაიმართა პროფესიული მასტერკლასი კომპიუტერული მეცნიერების სტუდენტებისთვის. შეხვედრას უძღვებოდა ანა ანდღულაძე – DataArt-ის უფროსი Tech Talent Acquisition მენეჯერი და ტექნოლოგიური სფეროს კარიერული კონსულტანტი.
მასტერკლასის ფარგლებში განხილული იყო ისეთი მნიშვნელოვანი თემები, როგორიცაა LinkedIn-ისა და რეზიუმეს ოპტიმიზაცია კარიერული წინსვლისთვის, IT მიმართულებით თვითგანვითარების ინსტრუმენტები, AI ხელსაწყოების ეფექტური გამოყენება სამუშაოს ძიების პროცესში, საერთაშორისო შერჩევის თავისებურებები, ასევე გასაუბრების ტექნიკები და სახელფასო მოლაპარაკების წესები.
სტუდენტებს ჰქონდათ შესაძლებლობა დაესვათ კითხვები და მიეღოთ პერსონალური კონსულტაცია მათთვის აქტუალურ თემებზე.
გააზიარე
