აკადემიური პერსონალის არჩევის მიზნით ცხადდება ღია კონკურსი

საქართველოს საპატრიარქოს წმ. ანდრია პირველწოდებულის სახელობის ქართული უნივერსიტეტი აკადემიური პერსონალის არჩევის მიზნით აცხადებს ღია კონკურსს:

• კომპიუტერული მეცნიერების ასოცირებული პროფესორის მიმართულებით ერთ აკადემიურ თანამდებობაზე; (აფილირების პირობით)
• ფსიქოლოგიის მიმართულებით ასოცირებული პროფესორის ერთ აკადემიურ თანამდებობაზე; (აფილირების პირობით)

კონკურსში მონაწილეთა მიერ დოკუმენტაციის წარმოდგენის და მათი რეგისტრაციის ვადა: 2024 წლის 19 და 20 თებერვალი. მისამართი: ქ. თბილისი, ილია ჭავჭავაძის გამზირი № 53ა, საქმისწარმოებისა და ადამიანური რესურსების მართვის სამსახურში, პირველი კორპუსი (ოთახი N104), 11:00 საათიდან - 17:00 საათამდე.

საკონკურსო კომისია უფლებამოსილია კონკურსის ჩატარება განახორციელოს (კონკურსანტთა მიერ წარმოდგენილი განცხადებების განხილვა, კონკურსანტთა შეფასება და გადაწყვეტილების მიღება) 2024 წლის 21 თებერვლიდან ხოლო შედეგები წარმოადგინოს არაუგვიანეს 7 მარტისა. 

ასოცირებული პროფესორის  აკადემიური ვაკანტური თანამდებობის დასაკავებლად განსაზღვრული საკანონმდებლო მოთხოვნაა დოქტორის ან მასთან გათანაბრებული აკადემიური ხარისხი და სამეცნიერო-პედაგოგიური მუშაობის არანაკლებ 3 წლის გამოცდილება.

თითოეულ აკადემიურ თანამდებობაზე კანდიდატთა მონაცემების განხილვისას მხედველობაში მიიღება კანდიდატის მიღწევები საგანმანათლებლო და სამეცნიერო-კვლევითი მიმართულებით, რაც შესაძლებელია შეფასდეს და დადასტურდეს შემდეგით:

• სამეცნიერო ნაშრომები, სამეცნიერო სტიპენდიები და გრანტები, მიღებული ბოლო 5 წლის განმავლობაში და სხვა სამეცნიერო აქტივობები;
• სამეცნიერო კონფერენციებსა და პროფესიული განვითარების ღონისძიებებში მონაწილეობა ბოლო 5 წლის განმავლობაში;
• საერთაშორისო თანამშრომლობა და საქმიანობა აკადემიური და სამეცნიერო-კვლევითი მიმართულებით;
• პროფესორის და ასოცირებული პროფესორის შემთხვევაში, უნივერსიტეტში შესაბამისი პროგრამული მიმართულების განვითარების ხედვა.
• სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
• სამეცნიერო ნაშრომი/პროექტი/კვლევა, რომელიც, კონკურსანტის აზრით, უკეთ წარმოაჩენს მის სამეცნიერო პოტენციალს;
• კონკრეტული ვაკანტური თანამდებობისთვის განსაზღვრული სხვა სპეციფიკური მოთხოვნები.

პროფესიული ნიშნით ასოცირებული პროფესორის აკადემიური თანამდებობის დასაკავებლად განსაზღვრულია შემდეგი სავალდებულო მოთხოვნები:

• უნდა ჰქონდეს არანაკლებ მაგისტრის ან მასთან გათანაბრებული აკადემიური ხარისხი და უმაღლეს საგანმანათლებლო დაწესებულებაში პედაგოგიური საქმიანობის განხორციელების არანაკლებ 2 წლიანი გამოცდილება;
• უნდა ჰქონდეს საკონკურსო ვაკანტური თანამდებობისათვის გათვალისწინებულ შესაბამის დარგში წამყვან თანამდებობაზე მუშაობის ან/და დარგის შესაბამისი სპეციფიკური სამუშაოს შესრულების არანაკლებ 3 წლიანი გამოცდილება;
• სასურველია, შესაბამისი მიმართულებით განხორციელებული ჰქონდეს სამეცნიერო ან/და პრაქტიკული ხასიათის პროექტი/პროექტები ან/და გამოქვეყნებული სამეცნიერო პუბლიკაცია/პუბლიკაციები;
• უნდა ჰქონდეს უნივერსიტეტში შესაბამისი პროგრამული მიმართულების განვითარების ხედვა;
• უნდა აკმაყოფილებდეს რექტორის ბრძანებით კონკრეტული ვაკანტური თანამდებობისათვის განსაზღვრულ სხვა სპეციფიკურ მოთხოვნებს.

როგორც აკადემიური ასევე პროფესიული ნიშნით განსაზღვრულია  დამატებითი    საუნივერსიტეტო (სპეციფიკური) მოთხოვნები და ჩაითვლება პრიორიტეტად:

დამატებითი მოთხოვნები კომპიუტერული მეცნიერების მიმართულებით:

• საბაკალავრო და სამაგისტრო პროგრამების შემუშავებასა და განხორციელებაში მონაწილეობის გამოცდილება;
• სილაბუსი/სილაბუსების შემუშავების გამოცდილება, რომლებიც ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით;
• სამუშაო გამოცდილება პროგრამული უზრუნველყოფის დეველოპმენტის მიმართულებით;
• სერტიფიკატები მითითებული სამუშაო გამოცდილების სფეროში;
• სამეცნიერო სტიპენდიები, გრანტები, პროექტები, გამოგონებები და სხვა პროფესიული აქტივობები ბოლო 5 წლის განმავლობაში;
• სამეცნიერო კონფერენციებსა და პროფესიული განვითარების ღონისძიებებში მონაწილეობა ბოლო 5 წლის განმავლობაში.

დამატებითი მოთხოვნები სფეროდან გამომდინარე:

• ფართო/ვიწრო სფერო - ინფორმაციისა და კომუნიკაციის ტექნოლოგიები,
• დეტალური სფერო - პროგრამული უზრუნველყოფისა და აპლიკაციების განვითარება და ანალიზი
• ასოცირებული პროფესორის ვაკანტური აკადემიური თანამდებობის დასაკავებლად კონკურსანტს მოეთხოვება შემდეგი სასწავლო კურსების გაძღოლა და სილაბუსების წარმოდგენა: პროგრამული უზრუნველყოფის დამუშავების მეთოდები, დიზაინის ნიმუშები, რელაციური და არარელაციური მონაცემთა ბაზები.

დამატებითი მოთხოვნები ფსიქოლოგიის მიმართულებით:

• საბაკალავრო და სამაგისტრო პროგრამების შემუშავებასა და განხორციელებაში მონაწილეობის გამოცდილება;
• ფსიქოლოგიის საბაკალავრო და სამაგისტრო საგანმანათლებლო პროგრამებით გათვალისწინებული მინიმუმ 3 სასწავლო კურსის გაძღოლის გამოცდილება;
• ფსიქოლოგიის საბაკალავრო და სამაგისტრო საგანმანათლებლო პროგრამებით გათვალისწინებული მინიმუმ 3 სასწავლო კურსის მასალების შემუშავება/უზრუნველყოფის გამოცდილება;
• ფსიქოლოგიის ცოდნა შემდეგ მიმართულებებით: განვითარების ფსიქოლოგია, ბიჰევიორიზმი, ფსიქოლოგიის ისტორია, აღზრდის სოციალური ფსიქოლოგია, კოგნიტური ფსიქოლოგია;
• ფსიქოლოგიის დოქტორის აკადემიური ხარისხი;
• სასწავლო და კვლევით სფეროში მუშაობის გამოცდილება;
• საერთაშორისო და ადგილობრივ სამეცნიერო რეფერირებად ჟურნალებში გამოქვეყნებული პუბლიკაციები;
• საერთაშორისო ასოციაციის წევრობა;
• უცხო ენის ცოდნა.

საკონკურსოდ წარმოსადგენი დოკუმენტაცია:

1. შევსებული განცხადება საკონკურსო კომისიის სახელზე;
2. ავტობიოგრაფია-CV, (ელექტრონული და ბეჭდვითი ფორმით);
3. შევსებული კონკურსანტის ანკეტა (ელექტრონული და ბეჭდვითი ფორმით);
4. პირადობის დამადასტურებელი მოწმობის ასლი;
5. ერთი ფოტოსურათი, ზომით 3×4;
6. შესაბამისი აკადემიური ხარისხის მინიჭების დამადასტურებელი დოკუმენტის/დოკუმენტების ასლები ნოტარიულად დამოწმებული; (ელექტრონული და ბეჭდვითი ფორმით)
7. სტიპენდიების, გრანტების, სხვა სამეცნიერო აქტივობების დამადასტურებელი დოკუმენტაცია;(ბოლო 5 წლის)
8. კონფერენციებსა და პროფესიული განვითარების ღონისძიებებში მონაწილეობის დამადასტურებელი დოკუმენტაცია;(ბოლო 5 წლის)
9. შესაბამისი მიმართულებით საერთაშორისო თანამშრომლობისა და საქმიანობის შესახებ დამადასტურებელი დოკუმენტაცია;
10. შესაბამისი პროგრამული მიმართულების განვითარების ხედვა;
11. სილაბუსი/სილაბუსები (ფასდება მისი შინაარსის, სწავლის შედეგებისა და მათი მიღწევის მეთოდების ადეკვატურობით). კონკურსის მიზნებისთვის კონკურსანტმა უნდა წარმოადგინოს არა უმეტეს სამი სილაბუსი;
12. სამეცნიერო ნაშრომი/პროექტი/კვლევა;
13. შესაბამის დარგში მუშაობის გამოცდილების შესახებ დოკუმენტაცია, ან ავტორიზებულ უმაღლეს საგანმანათლებლო დაწესებულებაში პედაგოგიური საქმანობის განხორციელების შესახებ დოკუმენტაცია, ან სამეცნიერო თუ პრაქტიკული ხასიათის კვლევით პროექტში ჩართულობის გამოცდილების შესახებ დოკუმენტაცია, ან გამოქვეყნებული სამეცნიერო პუბლიკაციები.
14. უცხო ენის ცოდნის დამადასტურებელი სერთიფიკატი;(არსებობის შემთხვევაში)
15. დამატებითი (სპეციფიკური) მოთხოვნების შეასაბამისი დამადასტურებელი დოკუმენტაცია;
16. უცხოეთში მიღებული განათლების/კვალიფიკაციის დამადასტურებელ დოკუმენტებს (ასეთის არსებობის შემთხვევაში) თან უნდა ახლდეს ნოტარიულად დამოწმებული ქართულენოვანი თარგმანი და სსიპ განათლების ხარისხის განვითარების ეროვნული ცენტრის მიერ გაცემული უცხოეთში მიღებული განათლების აღიარების დოკუმენტი;
17. შესაბამისი უფლებამოსილი ორგანოდან წარმოდგენილი ცნობა ნასამართლობის შესახებ და ასევე, ცნობა უფლების ჩამორთმევის შესახებ.

მიმაგრებული დოკუმენტაცია:

• კონკურსანტის ანკეტა
• კონკურსანტის განცხადება