საქართველოს ახალგაზრდული ჩემპიონატი პროგრამირებაში 2019
ქართული უნივერსიტეტის და საინფორმაციო ტექნოლოგიების ცენტრი „მზიური“-ს ორგანიზებით 5 მაისს, 10:00 საათზე, ჩატარდება საქართველოს ახალგაზრდული ჩემპიონატი პროგრამირებაში.
ქართული უნივერსიტეტის და საინფორმაციო ტექნოლოგიების ცენტრი „მზიური“-ს ორგანიზებით 5 მაისს, 10:00 საათზე, ჩატარდება საქართველოს ახალგაზრდული ჩემპიონატი პროგრამირებაში.
ჩემპიონატის მიზნებია:
ინფორმატიკაში განსაკუთრებული ნიჭის მქონე ახალგაზრდების იდენტიფიკაცია და მათი სტიმულირება;
ინფორმატიკით დაინტერესებული სტუდენტებისა და მაღალი კლასების მოსწავლეების ერთმანეთთან დაახლოება, მოსწავლეებისთვის სწორი სამომავლო გადაწყვეტილებების მიღებაში დახმარება;
სკოლებისა და უნივერსიტეტების გააქტიურება და სტიმულირება ნიჭიერი ახალგაზრდების გამოსავლენად.
ჩემპიონატს აქვს ერთადერთი ასაკობრივი კატეგორია და ორი ეტაპი:
5 მაისი - ონლაინ ტური, რომლის მიზანია დასკვნითი ტურისათვის მონაწილეების შერჩევა (geochampion.ge)
19 მაისი - დასკვნითი ტური დასწრებული შეჯიბრია და ჩატარდება ქართულ უნივერსიტეტში. დასკვნით ტურში მონაწილეობას მიიღებენ ონლაინ ტურის გამარჯვებულები. დასკვნითი ტურის შედეგების მიხედვით განისაზღვრება გამარჯვებულები და შედგება მათი დაჯილდოვების ცერემონია. ჩემპიონატი ტარდება მოსწავლეთა საერთაშორისო ოლიმპიადის ანალოგიური ფორმატით - ყოველ ტურში 3 ამოცანა და დრო - 5 სთ. გამარჯვებულები დაჯილდოვდებიან პირველი, მეორე და მესამე ხარისხის დიპლომებით და ფასიანი საჩუქრებით.
ჩემპიონატში მონაწილეობა შეუძლიათ სტუდენტებს, მოსწავლეებს და ნებისმიერი სხვა სტატუსის მქონე ახალგაზრდას, რომელსაც არ შესრულებია 21 წელი.
ჩემპიონატში მონაწილეობის მისაღებად აუცილებელია, 3 მაისის 18:00 საათამდე, დარეგისტრირდეთ ვებ-გვერდზე: geochampion.ge
DAAD-ის საქართველოს ჯგუფის თანაორგანიზებით, 2026 წლის 20 ივნისს თბილისში გაიმართება საერთაშორისო კონკურსი „Falling Walls Lab Tbilisi“, რომელიც სტუდენტებსა და ახალგაზრდა პროფესიონალებს შესაძლებლობას აძლევს საკუთარი ინოვაციური იდეები საერთაშორისო აუდიტორიას წარუდგინონ.
2026 წლის 18 მაისს, წმ. ანდრიას ქართულ უნივერსიტეტში ჰუმანიტარულ მეცნიერებათა და სამართლის სკოლის ორგანიზებით გაიმართა სტუდენტური კონფერენცია - „ქართველი დიპლომატები“.
13 მაისს საქართველოს საპატრიარქოს წმ. ანდრია პირველწოდებულის სახელობის ქართულ უნივერსიტეტში გაიმართა აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ახალგაზრდულ მოძრაობა „დავითიანნს“ შორის ურთიერთთანამშრომლობის მემორანდუმის გაფორმების ოფიციალური ცერემონია.
25 მაისს, 14:00 საათზე, წმ. ანდრიას ქართულ უნივერსიტეტში გაიმართება პროფესორ დევიდ ელერის საჯარო ლექცია: „გეოპოლიტიკური გაურკვევლობა და არაპროგნოზირებადობა: გამოწვევა და შესაძლებლობა“.
