ახალგაზრდებო!
საქართველოს ეროვნული ბანკი ნიჭიერი სტუდენტების მხარდასაჭერად იწყებს კვლევითი ნაშრომების კონკურსს.
კონკურსში მონაწილეობის მიღება ბაკალავრიატის მე-3 და მე-4 კურსის, ასევე მაგისტრატურის სტუდენტებს შეეძლებათ.
საქართველოს ეროვნულ ბანკს სურვილი აქვს, რომ ჩვენი უნივერსიტეტის სტუდენტები ჩაერთონ აღნიშნულ კონკურსში.
ეკონომიკური და ფინანსური საკითხებით დაინტერესებულ სტუდენტებს საკვლევი თემის შერჩევამდე შესაძლებლობა ექნებათ კონსულტაცია გაიარონ ეროვნული ბანკის ექსპერტებთან, მათი დახმარებით მკაფიოდ ჩამოაყალიბონ საბაკალავრო/სამაგისტრო თემის მიზანი, ამოცანა, გადაჭრის გზები, მიიღონ და მოაგროვონ მონაცემები.
ასევე, გამარჯვებულ კანდიდატებს შესაძლებლობა მიეცემათ, საქართველოს ეროვნულ ბანკში 3-თვიანი ანაზღაურებადი სტაჟირება გაიარონ.
დამატებითი ინფორმაციისთვის გთხოვთ იხილოთ თანდართული ბმული: https://bit.ly/30d9h0S
მოხარული ვიქნებით, თუ ჩვენი უნივერსიტეტის სტუდენტები მონაწილეობას მიიღებენ „ახალგაზრდა ეკონომისტების კონკურსში“.
გთხოვთ, თქვენი გადაწყვეტილების შესახებ მოგვაწოდოთ ინფორმაცია ბიზნესის, კომპიუტინგისა და სოციალურ მეცნიერებათა სკოლის დეკანატში.
ბიზნესის, კომპიუტინგისა და სოციალურ მეცნიერებათა სკოლის დეკანი,
პროფესორი ლევან ქისტაური
გააზიარე
